സ്​നേഹസംഗമം

പത്തനംതിട്ട: ജീവനക്കാരുടെയും കുടുംബാംഗങ്ങളുടെയും ഒത്തുചേരലി​െൻറ ഭാഗമായി കേരള എൻ.ജി.ഒ യൂനിയൻ പത്തനംതിട്ട സിവിൽ സ്റ്റേഷൻ ഏരിയയുടെ ആഭിമുഖ്യത്തിൽ ഓണാഘോഷവും സ്നേഹസംഗമവും നടത്തി. പുരോഗമന കലാസഹിത്യസംഘം കൊല്ലം ജില്ല പ്രസിഡൻറ് ഡോ. സി. ഉണ്ണികൃഷ്ണൻ യോഗം ഉദ്ഘാടനം ചെയ്തു. രാജേഷ് എസ്. വള്ളിക്കോട്, ഡി. സുഗതൻ, എസ്. ലക്ഷ്മിദേവി, പി.എൻ. അജി എന്നിവർ സംസാരിച്ചു. ജീവനക്കരുടെയും കുടുംബാംഗങ്ങളുടെയും വിവിധ കലാ-കായിക മത്സങ്ങൾ നടത്തി. മത്സരങ്ങൾക്ക് ആദർശ് കുമാർ, പി.പി. ലൈല, ബിജുരാജ് ടി.ആർ., സാനു എസ്. കുമാർ, വി.പി. തനൂജ എന്നിവർ നേതൃത്വം നൽകി. വിജയികൾക്കും കുട്ടികൾക്കും സമ്മാനം വിതരണം ചെയ്ത് യൂനിയൻ ജില്ല പ്രസിഡൻറ് എ. ഫിറോസ് ഓണസന്ദേശം നൽകി.