ചീങ്കണ്ണിപ്പാലിയിലെ അനധികൃത തൂൺ പൊളിച്ചുമാറ്റാൻ നോട്ടീസ്​

ഊർങ്ങാട്ടിരി: ചീങ്കണ്ണിപ്പാലിയിൽ അനധികൃതമായി നിർമിച്ച തൂൺ പൊളിച്ചുമാറ്റണമെന്ന് ആവശ്യപ്പെട്ട് തിരുവണ്ണൂർ കോട്ടൺ മിൽ റോഡിലെ ഹഫ്സ മൻസിലിൽ സി.കെ. അബ്ദുൽ ലത്തീഫിന് ഊർങ്ങാട്ടിരി ഗ്രാമപഞ്ചായത്ത് സെക്രട്ടറി നോട്ടീസയച്ചു. റോപ്വേ നിർമിക്കുന്നതി​െൻറ ഭാഗമായാണ് തൂൺ നിർമിച്ചതെന്ന് പരാതി ഉയർന്നിരുന്നു. പി.വി. അൻവർ എം.എൽ.എയുടെ ഭാര്യാപിതാവായ അബ്ദുൽ ലത്തീഫ് റസ്റ്റാറൻറ് ആൻഡ് ലോഡ്ജ് കെട്ടിടം നിർമിക്കാൻ മാത്രമാണ് ലൈസൻസ് നേടിയത്. പഞ്ചായത്ത് ഡയറക്ടറുടെ നിർദേശപ്രകാരമാണ് നോട്ടീസയച്ചതെന്ന് സെക്രട്ടറി പറഞ്ഞു.