വെട്ടിനുറുക്കിയ മൃതദേഹം കണ്ടെത്തിയ സംഭവം: ഒരാൾ കസ്​റ്റഡിയിലെന്ന്​ സൂചന

കോട്ടയം: വെട്ടിനുറുക്കിയ മൃതദേഹം ചാക്കിൽ കണ്ടെത്തിയ സംഭവത്തിൽ ഒരാൾ കസ്റ്റഡിയിലെന്ന് സൂചന. കോട്ടയം കലക്ടറേറ്റിന് സമീപം റെയിൽവേ കോളനിയിൽ താമസിക്കുന്നയാളാണ് പൊലീസ് കസ്റ്റഡിയിലുള്ളത്. ഇയാളെ ചോദ്യംചെയ്തുവരുകയാണ്. പിതാവിനെ കൊലപ്പെടുത്തിയ കേസിലെ പ്രതിയായ ഇയാളെ സംശയത്തെത്തുടർന്ന് ഞായറാഴ്ച വൈകുന്നേരത്തോടെ പൊലീസ് കസ്റ്റഡിയിൽ എടുക്കുകയായിരുന്നു. കൊല്ലപ്പെട്ടത് പയ്യപ്പാടി സ്വദേശിയായ യുവാവാണെന്നാണ് സൂചന. അവിഹിതബന്ധത്തെച്ചൊല്ലിയുള്ള തർക്കമാണ് കൊലയിലേക്ക് നയിച്ചതെന്നാണ് പ്രാഥമിക വിവരം.