എ.ഡി.ജി.പി സന്ധ്യക്കെതിരെ മുഖ്യമന്ത്രിക്ക് പി.സി. ജോർജി​െൻറ പരാതി

കോട്ടയം: പലകേസുകൾ അന്വേഷിക്കുന്നതിലും കേസുകൾ ചാർജ് ചെയ്യുന്നതിലും എ.ഡി.ജി.പി സന്ധ്യ നിരപരാധികളെ കുടുക്കാൻ ശ്രമിക്കുന്നത് അന്വേഷിക്കണമെന്ന് ആവശ്യപ്പെട്ട് പി.സി. ജോർജ് മുഖ്യമന്ത്രി പിണറായി വിജയന് പരാതി നൽകി. വ്യക്തി വൈരാഗ്യം തീർക്കാനാണ് സന്ധ്യ ശ്രമിക്കുന്നത്. സ്വാമിയുടെ ജനനേന്ദ്രിയം മുറിച്ച കേസ്, ഒരു പെൺകുട്ടി ആലുവയിൽ ദുരൂഹസാഹചര്യത്തിൽ ട്രെയിനിൽനിന്ന് വീണു മരിച്ചകേസ്, നടൻ ദിലീപി​െൻറ അറസ്റ്റും അനന്തരഘട്ടങ്ങളും എന്നിവയിൽ പൊലീസ് ഉദ്യോഗസ്ഥരുടെ മേൽ സന്ധ്യ സ്വാധീനം ചെലുത്തിയത് പ്രത്യേകസംഘത്തെ നിയോഗിച്ച് അേന്വഷിക്കണം. ഇക്കാര്യത്തിൽ കൂടുതൽ വിവരങ്ങൾ കൈമാറാൻ സന്നദ്ധനാണെന്നും ജോർജ് കത്തിൽ പറഞ്ഞു.