എം.ജി സർവകലാശാല വാർത്തകൾ

എൽഎൽ.എം. ഓഫ് ക്യാമ്പസ് ഡിസർട്ടേഷൻ, വൈവാവോസി കോട്ടയം: 2017 ഏപ്രിൽ, േമയ് മാസങ്ങളിൽ നടത്തിയ എൽഎൽ.എം ഓഫ് ക്യാമ്പസ് പരീക്ഷയുടെ ഡിസർട്ടേഷനും വൈവാ വോസിയും ആഗസ്റ്റ് 26ന് സർവകലാശാലയിലെ പുതിയ പരീക്ഷഭവനിൽ നടത്തും. വിശദ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്. പ്രാക്ടിക്കൽ പരീക്ഷ തൃപ്പൂണിത്തുറ ആർ.എൽ.വി കോളജിൽ 2017 ജൂലൈയിൽ നടത്തിയ രണ്ടാം സെമസ്റ്റർ എം.എ മ്യൂസിക് വീണ (റഗുലർ/സപ്ലിമ​െൻററി) ഡിഗ്രി പരീക്ഷകളുടെ പ്രാക്ടിക്കൽ ആഗസ്റ്റ് 22, 23 തീയതികളിൽ കോളജിൽ നടക്കും. വിശദ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്. പരീക്ഷഫലം 2016 ഒക്ടോബറിൽ നടത്തിയ മൂന്നാം സെമസ്റ്റർ ബി.കോം (മോഡൽ ഒന്നും രണ്ടും മൂന്നും -2013നമുമ്പുള്ള അഡ്മിഷൻ) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. പുനർ മൂല്യനിർണയത്തിനും സൂക്ഷ്മപരിശോധനക്കുമുള്ള അപേക്ഷ സെപ്റ്റംബർ രണ്ടുവരെ സ്വീകരിക്കും. 2016 ഡിസംബറിൽ നടത്തിയ അവസാനവർഷ ബി.കോം സപ്ലിമ​െൻററി/മേഴ്സി ചാൻസ് (മോഡൽ ഒന്ന് - ആന്വൽ സ്കീം, പാർട്ട് മൂന്ന് കോമേഴ്സ്) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. പുനർ മൂല്യനിർണയത്തിനും സൂക്ഷ്മപരിശോധനക്കുമുള്ള അപേക്ഷ സെപ്റ്റംബർ രണ്ടുവരെ സ്വീകരിക്കും.