കസ്​തൂരിരംഗൻ: അന്തിമ വിജ്​ഞാപനം ഉടനെന്ന്​ ജോയ്​സ്​ ജോർജ്​ എം.പി

ചെറുതോണി: പശ്ചിമഘട്ട സംരക്ഷണം മുൻനിർത്തി നടപ്പാക്കുന്ന കസ്തൂരിരംഗൻ റിപ്പോർട്ടിൽ കേന്ദ്ര സർക്കാർ ഉടൻ അന്തിമ വിജ്ഞാപനം പുറപ്പെടുവിക്കുമെന്ന് ജോയ്സ് ജോർജ് എം.പി അറിയിച്ചു. കഴിഞ്ഞയാഴ്ച ജോയ്സ് ജോർജി​െൻറ നേതൃത്വത്തിൽ എം.പിമാരുടെ സംഘം പുതുതായി ചുമതലയേറ്റ കേന്ദ്ര വനം -പരിസ്ഥിതി മന്ത്രി ഡോ. ഹർഷവർധനെ കണ്ട് ചർച്ച നടത്തിയിരുന്നു. നിവേദനം സ്വീകരിച്ച മന്ത്രി ഉടൻ അന്തിമ വിജ്ഞാപനം ഇറക്കാമെന്ന് സൂചന നൽകിയതായി എം.പി പറഞ്ഞു. ഇതുസംബന്ധിച്ച ചർച്ചകൾക്കും ഉദ്യോഗസ്ഥരുമായി ആശയവിനിമയം നടത്താനും മന്ത്രി തന്നെ ചുമതലപ്പെടുത്തുകയും ഇതനുസരിച്ച് കസ്തൂരിരംഗൻ റിപ്പോർട്ടി​െൻറ പ്രത്യേക ചുമതല വഹിക്കുന്ന ൈപ്രവറ്റ് സെക്രട്ടറി സയ് നാരായൺബയുമായും പരിസ്ഥിതി മന്ത്രാലയത്തിലെ ഉന്നത ഉദ്യോഗസ്ഥരുമായും ചർച്ച നടത്തിയതായും എം.പി പറഞ്ഞു. ആഗസ്റ്റ് പകുതിക്ക് മുമ്പ് കർണാടകത്തി​െൻറ റിപ്പോർട്ടുകൂടി ലഭിക്കും. വനത്തിനുള്ളിൽ മാത്രം ഇ.എസ്.എ നിജപ്പെടുത്തി ജനവാസ കേന്ദ്രങ്ങളെയും കൃഷിയിടങ്ങളെയും തോട്ടങ്ങളെയും ടൗൺഷിപ്പുകളെയും സമ്പൂർണമായി ഒഴിവാക്കണമെന്നും അതനനുസരിച്ചായിരിക്കണം അന്തിമ വിജ്ഞാപനം ഇറങ്ങേണ്ടതെന്നും ഉദ്യോഗസ്ഥരെ ധരിപ്പിച്ചിട്ടുണ്ട്. ഇതിനാവശ്യമായ രേഖകളും റിപ്പോർട്ടുകളും ഉദ്യോഗസ്ഥർക്ക് കൈമാറിയതായും എം.പി അറിയിച്ചു.