ഈരാറ്റുപേട്ട കെ.എസ്.ആര്‍.ടി.സി ഡിപ്പോക്ക് റെക്കോഡ് കലക്ഷന്‍

ഈരാറ്റുപേട്ട: കെ.എസ്.ആര്‍.ടി.സി ഡിപ്പോക്ക് തിങ്കളാഴ്ച റെക്കോഡ് കലക്ഷന്‍. വരുമാനം എട്ടു ലക്ഷം പിന്നിട്ടു. ലക്ഷ്യമിട്ട 7,23,000 മറികടന്ന് തിങ്കളാഴ്ച 8,00,787 രൂപയില്‍ എത്തി. ശരാശരിയില്‍ എറണാകുളം മേഖലയിലെ മികച്ച കലക്ഷനുകളില്‍ ഒന്നാണിത്. കഴിഞ്ഞ മാസം 16നും ഈരാറ്റുപേട്ട ഡിപ്പോ ടാര്‍ഗറ്റ് പൂര്‍ത്തിയാക്കിയിരുന്നു. ഡിപ്പോയില്‍ ജീവനക്കാരുടെ കുറവുണ്ടായിട്ടും അതു മറികടന്ന് മികച്ചനേട്ടം സ്വന്തമാക്കിയ ജീവനക്കാരെ എറണാകുളം മേഖല ഓഫിസര്‍ അഭിന്ദിച്ചു.