നിയന്ത്രണംവിട്ട ഓട്ടോ തോട്ടിലേക്ക് മറിഞ്ഞു

എരുമേലി: നിയന്ത്രണംവിട്ട ഓട്ടോ തോട്ടിലേക്ക് മറിഞ്ഞു. യാത്രക്കാര്‍ പരിക്കേല്‍ക്കാതെ രക്ഷപ്പെട്ടു. എരുമേലി-കാഞ്ഞിരപ്പള്ളി റോഡില്‍ ചെമ്പകത്തുങ്കല്‍ പാലത്തിന് സമീപമായിരുന്നു അപകടം. എരുമേലിയില്‍ നടന്ന ചതയദിനറാലിയില്‍ പങ്കെടുത്തവരുമായി മടങ്ങുകയായിരുന്ന ഓട്ടോയാണ് വെള്ളിയാഴ്ച വൈകീട്ട് അഞ്ചേകാലോടെ അപകടത്തില്‍പെട്ടത്. കാഞ്ഞിരപ്പള്ളി മണ്ണാറക്കയം സ്വദേശി കരിപ്ളാക്കല്‍ ബിജുവിന്‍േറതാണ് വാഹനം. ഇയാളും ഭാര്യയുമുള്‍പ്പെടെ അഞ്ചുപേരാണ് ഓട്ടോയില്‍ ഉണ്ടായിരുന്നത്.