വൈക്കത്ത് നവരാത്രി സംഗീതോത്സവം ആരംഭിച്ചു

വൈക്കം: വൈക്കം മഹാദേവക്ഷേത്രത്തിലെ ക്ഷേത്രകലാപീഠത്തിന്‍െറ നവരാത്രി സംഗീതോത്സവം തിരുവിതാംകൂര്‍ ദേവസ്വം ബോര്‍ഡ് പ്രസിഡന്‍റ് പ്രയാര്‍ ഗോപാലകൃഷ്ണന്‍ ഉദ്ഘാടനം ചെയ്തു. രണ്ടു കോടി ചെലവില്‍ ക്ഷേത്രകലാപീഠത്തിന് ലൈബ്രറി ഉള്‍പ്പെടെ കെട്ടിടം നിര്‍മിക്കുമെന്ന് അദ്ദേഹം പറഞ്ഞു. ക്ഷേത്രകലാപീഠത്തില്‍ പഠിച്ചിറങ്ങുന്ന കുട്ടികളെ ജോലി തേടി എത്തുന്ന കാലമാണ് വരാന്‍ പോകുന്നതെന്നും അദ്ദേഹം പറഞ്ഞു. ബോര്‍ഡ് അംഗം അജയ്തറയില്‍ അധ്യക്ഷതവഹിച്ചു. സി.കെ. ആശ എം.എല്‍.എ, ഡോ. അമ്പലപ്പുഴ ഗോപകുമാര്‍, ആര്‍. അജിത്കുമാര്‍, ഇ.പി. ഗോപീകൃഷണന്‍, കെ. അമ്മിണിക്കുട്ടന്‍, ആര്‍. മുരളീധരന്‍ നായര്‍, പി.എന്‍. ഗിരിജന്‍ മാരാര്‍, ആര്‍. പ്രകാശ് എന്നിവര്‍ സംസാരിച്ചു. നെന്മാറ ബ്രദേഴ്സിന്‍െറ നാഗസ്വരകച്ചേരിയും നടന്നു. തിങ്കളാഴ്ച വൈകീട്ട് ആറിന് ടി.വി. ശങ്കരനാരായണന്‍െറ സംഗീതക്കച്ചേരി നടക്കും.