കുരിശുമൂട്ടില്‍ വ്യാപാരി നേതാവിന്നേരെ ആക്രമണം

ചങ്ങനാശേരി: കടയുടമയും സ്റ്റുഡിയോ ജീവനക്കാരനും തമ്മിലുള്ള പ്രശ്നം ഒത്തുതീര്‍പ്പാക്കാനത്തെിയ വ്യാപാരി നേതാവിന് നേരെ ആക്രമണം. പരിക്കേറ്റ വ്യാപാരി വ്യവസായി സമിതി യൂനിറ്റ് സെക്രട്ടറി ഹരിദാസിനെ (50) ചത്തെിപ്പുഴ ആശുപത്രിയില്‍ പ്രവേശിപ്പിച്ചു. സംഭവത്തില്‍ നാലുപേരെ പൊലീസ് കസ്റ്റഡിയിലെടുത്തു. കുരിശുംമൂട് ജങ്ഷന് സമീപം ചൊവ്വാഴ്ച വൈകീട്ടാണ് സംഭവം. സ്രാമ്പിക്കല്‍ ഇലക്ട്രിക്കല്‍സ് എന്ന വ്യാപാര സ്ഥാപനത്തിന്‍െറ ഉടമയും ഇതിനു സമീപത്തുള്ള എന്‍ ഡിസൈന്‍ സ്റ്റുഡിയോയിലെ ജീവനക്കാരനും തമ്മില്‍ കഴിഞ്ഞദിവസം വാക്കുതര്‍ക്കം ഉണ്ടായിരുന്നു. ഇത് വ്യാപാരികള്‍ ഇടപെട്ട് അന്നുതന്നെ അവസാനിപ്പിച്ചതായി പറയുന്നു. എന്നാല്‍, ചൊവ്വാഴ്ച വൈകീട്ട് സ്റ്റുഡിയോ ജീവനക്കാരന്‍ കുറച്ചുപേരുമായത്തെി ഇലക്ട്രിക്കല്‍സില്‍ ആക്രമണം നടത്തുകയായിരുന്നു. ഇതറിഞ്ഞ് സ്ഥലത്തത്തെിയ ഹരിദാസിനെ മര്‍ദിച്ചെന്നാണ് പൊലീസ് പറയുന്നത്. സംഭവത്തില്‍ പൊലീസ് കേസെടുത്തു. വ്യാപാരി വ്യവസായി ഏരിയ കമ്മിറ്റി പ്രസിഡന്‍റ് പി.എ. നിസാര്‍, സെക്രട്ടറി ജോജി ജോസഫ് എന്നിവര്‍ പ്രതിഷേധിച്ചു.