ബസുകളുടെ തുറന്ന വാതില്‍: സമയപരിധി അഞ്ചുവരെ നീട്ടി

കോട്ടയം: തുറന്ന വാതിലുകളുമായി സര്‍വിസ് നടത്തുന്ന ബസുകള്‍ക്കെതിരെ നടപടിയെടുക്കുന്നത് നീട്ടി. അഞ്ചു മുതല്‍ നടപടിയെടുത്താല്‍ മതിയെന്ന് ട്രാന്‍സ്പോര്‍ട്ട് കമീഷണര്‍ വാക്കാല്‍ നിര്‍ദേശം നല്‍കിയതായി കോട്ടയം ആര്‍.ടി.ഒ അറിയിച്ചു. ജില്ലയിലെ ബസുടമകള്‍ ഹൈകോടതിയില്‍ സമര്‍പ്പിച്ച ഹരജി അഞ്ചിന് പരിഗണിക്കുന്നതിനാലാണ് ഇത്. ജില്ലയില്‍ നൂറോളം സ്വകാര്യ ബസുകളാണ് തുറന്നുവെച്ച വാതിലുകളുമായി സര്‍വിസ് നടത്തുന്നത്. പ്രധാന ടൗണുകളില്‍നിന്ന് 15 കിലോമീറ്ററില്‍ താഴെയുള്ള സ്ഥലങ്ങളിലേക്കാണ് സിറ്റി, ടൗണ്‍ ബസുകള്‍ സര്‍വിസ് നടത്തുന്നത്. ഇവക്കു മുന്നിലും പുറകിലും വാതിലുകള്‍ക്ക് അടക്കാനുള്ള പാളികളില്ല. യാത്രക്കാര്‍ തെറിച്ചു വീഴുകയും മരണപ്പെടുകയും ചെയ്ത നിരവധി സംഭവങ്ങള്‍ ഉണ്ടായതിനത്തെുടര്‍ന്ന് മോട്ടോര്‍ വാഹനവകുപ്പ് അധികൃതര്‍ പരിശോധന നടത്തുകയും ഡോര്‍ ഇല്ലാത്ത വാഹനങ്ങള്‍ക്കെതിരെ നടപടി സ്വീകരിക്കുകയും ചെയ്തിരുന്നു. മോട്ടോര്‍ വാഹനനിയമത്തിലെ വകുപ്പുപ്രകാരം സിറ്റി ബസുകള്‍ക്ക് ഡോറിന് അടപ്പു വേണ്ടെന്ന നിയമത്തിന്‍െറ പിന്‍ബലത്തില്‍ സിറ്റി, ടൗണ്‍ ബസുകള്‍ ഫിറ്റ് ചെയ്തിരുന്നില്ല. ഇതേതുടര്‍ന്ന് 1989ലെ മോട്ടോര്‍ വാഹന ചട്ടം ഭേദഗതി വരുത്തിയാണ് പുതിയ ഉത്തരവ് ട്രാന്‍സ്പോര്‍ട്ട് കമീഷണര്‍ ഇറക്കിയിരുന്നത്.