തിരുവുത്സവവും പൂമൂടലും

പത്തനാട്: കങ്ങഴ പത്തനാട് പടിഞ്ഞാറേമന ശ്രീ മഹാപരാശക്തി ഭദ്രവിളക്ക് കര്‍മസ്ഥാനത്ത് തിരുവുത്സവവും പൂമൂടലും പള്ളിവാള്‍ എഴുന്നള്ളത്തും മാന്ത്രികവിളക്ക് ദര്‍ശനവും 16,17,18 തീയതികളില്‍ നടക്കും. 16ന് വൈകീട്ട് 5.30 ന് ബിംബശുദ്ധി കലശാഭിഷേകം, മുളയിടീല്‍, 17ന് പതിവുക്ഷേത്ര ചടങ്ങുകള്‍ക്ക് പുറമെ രാവിലെ ആറിന് പുറത്തേക്ക് എഴുന്നള്ളത്തും പൂമൂടലും 6.30ന് ദേവീ ഭാഗവത പാരായണം, 10ന് തിരുമുന്നില്‍ പറ. 12.30ന് ആചാര്യ മധുദേവാനന്ദ പ്രഭാഷണം നടത്തും. ഉച്ചക്ക് ഒന്നിന് മഹാപ്രസാദമൂട്ട്, രണ്ടിന് സംഗീതസദസ്സ്, മൂന്നിന് ചെണ്ടമേളം. 3.30ന് മഹാഘോഷയാത്രയും പള്ളിവാള്‍ എഴുന്നള്ളത്തും, തിരുമുന്നില്‍ വേലകളി, കരകാട്ടം, പമ്പമേളം എന്നിവയുടെ അകമ്പടിയോടെ ഇലയ്ക്കാട് ശിവക്ഷേത്രം, പത്തനാട് ധര്‍മശാസ്താ ക്ഷേത്രം, കാണിക്കമണ്ഡപം, പത്തനാട് ഗുരുദേവ സന്നിധി വഴി തിരികെ കര്‍മസ്ഥാനത്ത് എത്തിച്ചേരും. വൈകുന്നേരും 5.30ന് ആറാട്ട്, ആറിന് കാഴ്ചശ്രീബലി, 6.40ന് മഹാദീപാരാധന, ദീപക്കാഴ്ച, സോപാനസംഗീതം, ഏഴിന് മാന്ത്രികവിളക്ക് ദര്‍ശനം, തുടര്‍ന്ന് സീരിയല്‍ നടന്‍ പ്രതീഷ് നന്ദന്‍ ആദ്യ കുങ്കുമം ഏറ്റുവാങ്ങും. 7.45ന് വിദ്യാര്‍ഥികള്‍ക്ക് പഠനോപകരണ വിതരണത്തിന്‍െറ ഉദ്ഘാടനം ഡോ. എന്‍. ജയരാജ് എം.എല്‍.എ നിര്‍വഹിക്കും. തുടര്‍ന്ന് മികച്ച വിദ്യാര്‍ഥിക്കുള്ള വിദ്യാതിലകം അവാര്‍ഡ് മധ്യദേവാനന്ദ നല്‍കും. 18ന് രാവിലെ 7.40 മുതല്‍ 8.20 വരെ പഞ്ചബിബം ശുദ്ധികലശം, പരദേവതാപൂജ.