കവണാറ്റിന്‍കര –വേമ്പനാട് റോഡ് നിര്‍മാണോദ്ഘാടനം

അയ്മനം: കവണാറ്റിന്‍കര-വേമ്പനാട്, കവണാറ്റിന്‍കര-വലിയമടക്കുളം റോഡുകളുടെ നിര്‍മാണോദ്ഘാടനം മന്ത്രി തിരുവഞ്ചൂര്‍ രാധാകൃഷ്ണന്‍ നിര്‍വഹിച്ചു. 35 ലക്ഷം രൂപ ചെലവിലാണ് കവണാറ്റിന്‍കര-വേമ്പനാട ്റോഡ് നിര്‍മിക്കുന്നത്. 33 ലക്ഷമാണ് കവണാറ്റിന്‍കര-വലിയമടക്കുളം റോഡിന്‍െറ നിര്‍മാണച്ചെലവ്. കവണാറ്റിന്‍കര ജങ്ഷനില്‍ സ്ഥാപിച്ച മിനി ഹൈമാസ്റ്റ് ലൈറ്റിന്‍െറ സ്വിച്ച്ഓണ്‍ കര്‍മവും മന്ത്രി നിര്‍വഹിച്ചു. ഉദ്ഘാടനത്തോടനുബന്ധിച്ച് കവണാറ്റിന്‍കരയില്‍ ചേര്‍ന്ന പൊതുസമ്മേളനം മുന്‍ എം.എല്‍.എ തോമസ് ചാഴിക്കാടന്‍ ഉദ്ഘാടനം ചെയ്തു. അയ്മനം ഗ്രാമപഞ്ചായത്ത് പ്രസിഡന്‍റ് മറിയാമ്മ ബാബു അധ്യക്ഷത വഹിച്ചു. ജില്ലാ പഞ്ചായത്ത് അംഗം ബീന ബിനു, ഗ്രാമപഞ്ചായത്ത് വൈസ് പ്രസിഡന്‍റ് അനില ബാബു, ബ്ളോക് പഞ്ചായത്ത് അംഗം രജിത സന്തോഷ്, കാര്‍ഷിക വികസന ബാങ്ക് പ്രസിഡന്‍റ് അഡ്വ. ജി. ഗോപകുമാര്‍, ഗ്രാമപഞ്ചായത്ത് അംഗങ്ങളായ ബേബി ജോണ്‍, ആഷ റെജികുമാര്‍, ബാബു കറുകപ്പടി, ഏലിയാമ്മ ചാക്കോ, സുമ പ്രകാശ് എന്നിവര്‍ സംസാരിച്ചു.