ജില്ലയില്‍ നാലിടങ്ങളില്‍ വിജിലന്‍സ് റെയ്ഡ്

കോട്ടയം: ജില്ലയില്‍ നാലിടങ്ങളില്‍ വിജിലന്‍സ് റെയ്ഡ്. സര്‍ക്കാര്‍ സ്ഥാപനങ്ങള്‍ കേന്ദ്രീകരിച്ച് സംസ്ഥാന വ്യാപകമായി നടന്ന പരിശോധനയുടെ ഭാഗമായി ഏറ്റുമാനൂര്‍, കാഞ്ഞിരപ്പള്ളി, ഉഴവൂര്‍, പാലാ എന്നിവടങ്ങളിലാണ് വിജിലന്‍സ് റെയ്ഡ് നടത്തിയത്. ജനനമരണ, വിവാഹ സര്‍ട്ടിഫിക്കിറ്റുകള്‍ സ്വകാര്യ വ്യക്തി വന്‍തുക ഈടാക്കി വാങ്ങി നല്‍കുന്നതായി ലഭിച്ച പരാതിയുടെ അടിസ്ഥാനത്തിലാണ് ഏറ്റുമാനൂര്‍ കാര്യലയത്തില്‍ റെയ്ഡ് നടത്തിയത്. വിദേശ രാജ്യങ്ങളിലും മറ്റും പോകുന്നതിന് അടിയന്തര സ്വഭാവമുള്ള സര്‍ട്ടിഫിക്കറ്റുകള്‍ കാര്യലയത്തില്‍നിന്ന് വാങ്ങി നല്‍കാന്‍ ഇടനിന്നു സ്വകാര്യവ്യക്തി ജനങ്ങളില്‍നിന്ന് വന്‍തുക വാങ്ങുന്നതായി പരാതി ലഭിച്ചതിന്‍െറ അടിസ്ഥാനത്തിലായിരുന്നു റെയ്ഡ്. ഏറ്റുമാനൂര്‍ കാര്യാലയത്തിലും ഇടനിലക്കാരന്‍െറ സ്ഥാപനത്തിലും വിജിലന്‍സ് റെയ്ഡ് നടത്തി. ഇടനിലക്കാരന്‍െറ സ്ഥാപനത്തില്‍നിന്ന് വിവിധ സര്‍ട്ടിഫിക്കറ്റുകള്‍ പിടിച്ചെടുത്തു. കാഞ്ഞിരപ്പള്ളി, പാലാ, ഉഴവൂര്‍ എന്നിവടങ്ങളിലും വിവിധ സര്‍ക്കാര്‍ സ്ഥാപനങ്ങളില്‍ റെയ്ഡ് നടന്നു. കോട്ടയം വിജിലന്‍സ് ഡിവൈ.എസ്.പി സുരേഷ്കുമാര്‍ നേതൃത്വം നല്‍കി.