കലാമിന് വേറിട്ടൊരു ആദരം

മൂലമറ്റം: പ്രകൃതിക്ക് ദോഷം ചെയ്യുന്ന പ്ളാസ്റ്റിക് മാലിന്യത്തില്‍നിന്ന് കൗതുക വസ്തുക്കളുണ്ടാക്കുക എന്ന തന്‍െറ ഹോബിയെ ഷിന്‍േറാ സെബാസ്റ്റ്യന്‍ എന്ന പോളിടെക്നിക്ക് വിദ്യാര്‍ഥി അന്തരിച്ച മുന്‍ രാഷ്ട്രപതി ഡോ. എ.പി.ജെ. അബ്ദുല്‍ കലാമിനോടുള്ള ആദരവാക്കി മാറ്റി. മുട്ടം ഗവ. പോളി ടെക്നിക്കിലെ രണ്ടാം പോളിമര്‍ സയന്‍സ് വിദ്യാര്‍ഥിയാണ് കോട്ടയം സ്വദേശിയായ ഷിന്‍േറാ. ഉപയോഗിച്ച ശേഷം ഉപേക്ഷിക്കുന്ന ഫ്ളക്സ് ബോര്‍ഡുകളും കൊടിതോരണങ്ങളും ഉപയോഗിച്ച് ഈ കലാകാരന്‍ തീര്‍ത്ത 7.4 അടി ഉയരമുള്ള കലാമിന്‍െറ ചിത്രം ഏറെപേരെ ആകര്‍ഷിക്കുകയാണ്. കുട്ടിക്കാലം മുതലേ ചിത്ര-ശില്‍പ രചനകളില്‍ താല്‍പര്യമുള്ള യുവാവ് പോളിമര്‍ സയന്‍സ് വിദ്യാര്‍ഥിയായപ്പോള്‍ മുതല്‍ക്കാണ് വ്യത്യസ്തമായ മാധ്യമത്തിന്‍െറ സാധ്യത തിരിച്ചറിഞ്ഞത്.