പോക്സോ കേസിലെ പിടികിട്ടാപ്പുള്ളി അറസ്റ്റിൽ
text_fieldsഅഞ്ചൽ: ആറ് വയസ്സുള്ള ബാലികയെ ൈലംഗികമായി പീഡിപ്പിച്ച കേസിലെ പിടികിട്ടാപ്പുള്ളിയെ അഞ്ചൽ പൊലീസ് അറസ്റ്റ് ചെയ്തു. പാലോട് നന്ദിയോട് ഷീലാഭവനിൽ ബിനുവാണ് (കറുപ്പായി ബിനു- 40 ) അഞ്ചൽ പൊലീസിെൻറ പിടിയിലായത്. കഴിഞ്ഞ വർഷമാണ് കേസിനാസ്പദമായ സംഭവം.മാതൃസുഹൃത്തായ ബിനു പല പ്രാവശ്യം കുട്ടിയുടെ വീട്ടിലും ഓട്ടോയിലുമായിരിക്കെ, ൈലംഗികമായി പീഡിപ്പിച്ചുവരുകയായിരുന്നത്രേ. നാട്ടുകാർ വിവരം ചൈൽഡ് ലൈനിൽ അറിയിച്ചതിനെ തുടർന്ന് കുട്ടി ശിശുക്ഷേമ സമിതിയിലാണ് താമസിക്കുന്നത്.
ശിശുക്ഷേമ സമിതി അധികൃതർ നടത്തിയ കൗൺസലിങ്ങിലാണ് കുട്ടി ലൈംഗിക പീഡനത്തിനിരയായ വിവരം പറഞ്ഞത്. ചൈൽഡ് ലൈനിെൻറ നിർദേശത്തെത്തുടർന്ന് അഞ്ചൽ പൊലീസ് കേസെടുത്ത് അന്വേഷണം നടത്തി വരുകയായിരുന്നു. പല തവണ അറസ്റ്റ് ചെയ്യാൻ പൊലീസെത്തിയെങ്കിലും വെട്ടിച്ചുകടന്നു. നാല് മാസങ്ങൾക്കുമുമ്പ് ബിനു താമസിച്ചു വന്ന കിളിമാനൂരിനടുത്തുള്ള വീട്ടിൽ പൊലീസ് എത്തിയെങ്കിലും വളർത്തുനായ്ക്കളെ അഴിച്ചുവിട്ട ശേഷം വീട്ടിൽനിന്ന് ഓടി രക്ഷപ്പെട്ടു. തുടർന്ന്, പ്രതിയെ പിടികൂടാൻ വേണ്ടി രൂപവത്കരിച്ച പ്രത്യേക അന്വേഷണ സംഘമാണ് പ്രതിയെ കണ്ണനല്ലൂർ പൊലീസ് സ്റ്റേഷൻ പരിധിയിലുള്ള മീയണ്ണൂർ ഭാഗത്തുനിന്ന് അറസ്റ്റ് ചെയ്തത്. പുനലൂർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.