Begin typing your search above and press return to search.
exit_to_app
exit_to_app
Posted On
date_range 3 May 2017 9:01 PM IST Updated On
date_range 3 May 2017 9:01 PM ISTകലക്ടറുടെ ജനസമ്പർക്ക പരിപാടി: നാല് താലൂക്കുകളിൽ വിതരണം ചെയ്തത് 33 ലക്ഷം
text_fieldsbookmark_border
കൊല്ലം: കലക്ടറുടെ ജനസമ്പർക്ക പരിപാടി ബുധനാഴ്ച കരുനാഗപ്പള്ളിയിൽ നടക്കും. സമാശ്വാസം 2017ൽ നാല് താലൂക്കുകളിലായി ഇതുവരെ 33,04,400 രൂപ വിതരണം ചെയ്തു. മുഖ്യമന്ത്രിയുടെ ചികിത്സാ ധനസഹായനിധിയിൽനിന്ന് 278 പേർക്കാണ് ഇത്രയും തുക നൽകിയത്. പുനലൂർ, കുന്നത്തൂർ, കൊട്ടാരക്കര, പത്തനാപുരം താലൂക്കുകളിലാണ് പരിപാടി നടന്നത്. കരുനാഗപ്പള്ളി താലൂക്കിലെ ജനസമ്പർക്ക പരിപാടി കരുനാഗപ്പള്ളി ഗവ. യു.പി സ്കൂളിൽ രാവിലെ 10ന് ആരംഭിക്കും. 4809 പരാതികളാണ് നേരത്തേ സമർപ്പിക്കപ്പെട്ടിട്ടുള്ളത്. ഇതിൽ 1121 എണ്ണം റവന്യൂ സംബന്ധമായ പരാതികളും 3688 എണ്ണം മറ്റു വകുപ്പുകളുമായി ബന്ധപ്പെട്ടവയുമാണ്. പുതിയ പരാതികൾ സ്വീകരിക്കുന്നതിന് അക്ഷയയുടെ ഏഴ് കൗണ്ടറുകൾ സജ്ജീകരിച്ചിട്ടുണ്ട്. വിവിധ വകുപ്പുകളുടെ പ്രത്യേക കൗണ്ടറുകളും ജനസമ്പർക്ക പരിപാടിയുടെ വേദിയിലുണ്ടാകും. പരിപാടിയുടെ സുഗമമായ നടത്തിപ്പിന് 250ഒാളം ജീവനക്കാർ സേവനമനുഷ്ഠിക്കുമെന്ന് കരുനാഗപ്പള്ളി തഹസിൽദാർ ബി. രാധാകൃഷ്ണൻ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story