പെ​രു​മ്പാ​മ്പി​നെ പി​ടി​കൂ​ടി; 20 മു​ട്ട​ക​ളും ക​ണ്ടെ​ടു​ത്തു

ആയൂർ: ചടയമംഗലം റോഡിൽ മാർത്തോമ കോളജിന് സമീപം ഇത്തിക്കരയാറിനോട് ചേർന്ന പ്രദേശത്തുനിന്ന് പെരുമ്പാമ്പിനെ പിടികൂടി. വ്യാഴാഴ്ച വൈകീട്ട് മൂന്നോടെ കലുങ്കിന് അടിയിലാണ് പെരുമ്പാമ്പിനെ സമീപവാസികൾ കണ്ടത്. അഞ്ചൽ ഫോറസ്റ്റ് ഓഫിസിൽ വിവരം അറിയിച്ചതിനെതുടർന്ന് ഉദ്യോഗസ്ഥർ സ്ഥലത്തെത്തി. പാമ്പു പിടിത്തത്തിൽ വൈദഗ്ധ്യമുള്ള ഹേമന്തിെൻറ നേതൃത്വത്തിൽ വൈകീട്ട് ആറോടെ എട്ട് അടിയോളം നീളമുള്ള പെരുമ്പാമ്പിനെ പിടികൂടുകയായിരുന്നു. ഇവിടെനിന്ന് പാമ്പിെൻറ 20 മുട്ടകളും കണ്ടെടുത്തു. സംഭവമറിഞ്ഞ് സ്ഥലത്ത് നാട്ടുകാരും വാഹനയാത്രക്കാരും തടിച്ചുകൂടിയതോടെ എം.സി റോഡിൽ ഏറെനേരം ഗതാഗതക്കുരുക്കിനിടയായി. പെരുമ്പാമ്പിനെ അഞ്ചൽ ഫോറസ്റ്റ് ഒാഫിസിലേക്ക് മാറ്റി.