വി​ക​സ​നം മു​ര​ടി​ച്ച്​ കു​ന്നി​ക്കോ​ട് മാ​ർ​ക്ക​റ്റ്

കു​ന്നി​ക്കോ​ട്: ന​ഷ്​​ട​പ്ര​താ​പ​ങ്ങ​ളു​ടെ ക​ഥ​ക​ളോ​ർ​ത്ത് നെ​ടു​വീ​ർ​പ്പി​ടു​ക​യാ​ണ് കു​ന്നി​ക്കോ​ട് മാ​ർ​ക്ക​റ്റ്. മാ​റിമാറി വ​ന്ന പ​ഞ്ചാ​യ​ത്ത് ഭ​ര​ണാ​ധി​കാ​രി​ക​ൾ പദ്ധതികൾ പ്ര​ഖ്യാ​പ​ന​ങ്ങ​ളി​ലൊ​തു​ക്കി​യ​തോ​ടെ ഒ​രു വി​ക​സ​ന​വു​മി​ല്ലാ​തെ കി​ട​ക്കു​ക​യാ​ണി​വി​ടം. ഇ​പ്പോ​ൾ ആ​ഴ്ച​യി​ൽ കൂ​ടു​ന്ന കാ​ര്‍ഷി​ക​വി​പ​ണി​യി​ല്‍ മാ​ത്ര​മാ​ണ് ഇ​വി​ടെ അ​ൽ​പ​മെ​ങ്കി​ലും ജ​ന​ങ്ങ​ൾ വ​ന്നു​പോ​കു​ന്ന​ത്. മു​മ്പ്​ ദി​വ​സ​വും ച​ന്ത ന​ട​ന്നി​രു​ന്നു. പ​ണ്ട് നാ​ട്ടി​ലെ ജ​ന​ങ്ങ​ൾ​ക്ക് ആ​വ​ശ്യ​മു​ള്ള​തെ​ല്ലാം ഇ​വി​ടെ കി​ട്ടു​മാ​യി​രു​ന്നു. ഉ​പ്പ് മു​ത​ൽ ക​ർ​പ്പൂ​രം വ​രെ​യു​ള്ള​തെ​ല്ലാം കി​ട്ടു​മെ​ന്ന​തി​നാ​ൽ ഇ​ത​ര പ്ര​ദേ​ശ വാ​സി​ക​ൾ പോ​ലും കാ​ർ​ഷി​ക വി​ള​ക​ൾ​ക്കും അ​തി​െൻറ വി​ത്തു​ക​ൾ​ക്കു​മെ​ല്ലാം കു​ന്നി​ക്കോ​ട് മാ​ർ​ക്ക​റ്റി​നെ​യാ​ണ് ആ​ശ്ര​യി​ച്ചി​രു​ന്ന​ത്. ച​ന്ത ന​ട​ക്കു​ന്ന ദി​വ​സ​ങ്ങ​ളി​ൽ​നി​ന്ന് തി​രി​യാ​ൻ പോ​ലും ഇ​ടം കി​ട്ടാ​തെ വ​ന്ന സ്ഥാ​ന​ത്ത് ഇ​ന്ന് 25 പേ​ർ തി​ക​ച്ചു വ​രാ​ത്ത അ​വ​സ്​​ഥ​യാ​ണ്. മേ​ലി​ല, വെ​ട്ടി​ക്ക​വ​ല, ത​ല​വൂ​ര്‍ എ​ന്നി​വി​ട​ങ്ങ​ളി​ല്‍ പൊ​തു മാ​ര്‍ക്ക​റ്റു​ക​ള്‍ ഇ​ല്ലാ​ത്ത​തി​നാ​ല്‍ നി​ര​വ​ധി പേ​ര്‍ ഇ​വി​ടെ വ്യാ​പാ​ര​ത്തി​നാ​യി വ​ന്നി​രു​ന്നു. വി​ള​ക്കു​ടി പ​ഞ്ചാ​യ​ത്തി​െൻറ വി​ക​സ​ന​പ​ദ്ധ​തി​യി​ല്‍ ഉ​ള്‍പ്പെ​ടു​ത്തി 10 വ​ര്‍ഷം മു​മ്പ്​ നി​ർ​മി​ച്ച കെ​ട്ടി​ട​ങ്ങ​ളെ​ല്ലാം കാ​ടു​ക​യ​റി ന​ശി​ക്കു​ന്നു. സ്ലോ​ട്ട​ര്‍ ഹൗ​സ്, മ​ത്സ്യ​വി​പ​ണ​ന​കേ​ന്ദ്രം, വ്യാ​പാ​ര​സ്ഥാ​പ​ന​ങ്ങ​ള്‍, കം​ഫ​ര്‍ട്ട് സ്​​റ്റേ​ഷ​ന്‍ എ​ന്നി​വ​ക്കാ​യി​ട്ടാ​ണ് കെ​ട്ടി​ട​ങ്ങ​ള്‍ നി​ർ​മി​ച്ച​ത്. അ​ടി​സ്ഥാ​ന​സൗ​ക​ര്യ​ങ്ങ​ള്‍ ഒ​രു​ക്കി​യെ​ങ്കി​ലും വ്യാ​പാ​രി​ക​ളെ അ​വി​ടേ​ക്ക് എ​ത്തി​ക്കാ​ന്‍ അ​ധി​കൃ​ത​ര്‍ക്ക് ക​ഴി​ഞ്ഞി​ല്ല. നി​ല​വി​ല്‍ കൊ​ല്ലം തി​രു​മം​ഗ​ലം ദേ​ശീ​യ​പാ​ത​യോ​ര​ത്താ​ണ് വൈ​കു​ന്നേ​ര​ങ്ങ​ളി​ല്‍ ച​ന്ത കൂ​ടു​ന്ന​ത്. മാ​ലി​ന്യ സം​സ്ക​ര​ണ സം​വി​ധാ​ന​മി​ല്ലാ​ത്ത​താ​ണ് മാ​ർ​ക്ക​റ്റി​ലേ​ക്ക് എ​ത്താ​ന്‍ മ​ടി​ക്കു​ന്ന​തെ​ന്ന് വ്യാ​പാ​രി​ക​ളും പ​റ​യു​ന്നു.