കരുനാഗപ്പള്ളിയിൽ ഡെങ്കിപ്പനി പടരുന്നു

ക​രു​നാ​ഗ​പ്പ​ള്ളി: താ​ലൂ​ക്കി​ൽ ഡെ​ങ്കി​പ്പ​നി​യും എ​ച്ച്1 എ​ൻ1 അ​ട​ക്ക​മു​ള്ള പ​ക​ർ​ച്ച​പ്പ​നി​ക​ളും പ​ട​രു​ന്നു. തൊ​ടി​യൂ​ർ കു​ല​ശേ​ഖ​ര​പു​ര​ത്ത്​ ഒ​രാ​ഴ്ച​ക്കു​ള്ളി​ൽ മൂ​ന്ന് പേ​ർ പ​നി​ബാ​ധി​ച്ച്​ മ​രി​ച്ചു. തൊ​ടി​യൂ​ർ ഇ​ട​ക്കു​ള​ങ്ങ​ര പു​ന്നൂ​ര​യ്യ​ത്ത് കി​ഴ​ക്ക​തി​ൽ ചി​ത്ര (41) വ്യാ​ഴാ​ഴ്​​ച മ​രി​ച്ചു. ​െഡ​ങ്കി​പ്പ​നി ബാ​ധി​ച്ച് ഇ​വ​രു​ടെ പി​താ​വ് ഒ​രാ​ഴ്ച മു​മ്പ്​ മ​രി​ച്ചി​രു​ന്നു. കു​ല​ശേ​ഖ​ര​പു​രം ഗ​വ. ഹ​യ​ർ സെ​ക്ക​ൻ​ഡ​റി സ്​​കൂ​ളി​ന്​ സ​മീ​പം ഉ​ണ്ണി (45) വെ​ള്ളി​യാ​ഴ്ച മ​രി​ച്ചു. ക​രു​നാ​ഗ​പ്പ​ള്ളി ന​ഗ​ര​സ​ഭ​യി​ലും തൊ​ടി​യൂ​ർ, കു​ല​ശേ​ഖ​ര​പു​രം, ത​ഴ​വ, ക്ലാ​പ്പ​ന, ഓ​ച്ചി​റ തു​ട​ങ്ങി​യ പ​ഞ്ചാ​യ​ത്തു​ക​ളി​ലും ഡെ​ങ്കി​പ്പ​നി​യും പ​ക​ർ​ച്ച​പ്പ​നി​യും വ്യാ​പ​ക​മാ​ണ്. തൊ​ടി​യൂ​രി​െൻറ വ​ട​ക്ക് പ​ഠി​ഞ്ഞാ​റ​ൻ പ്ര​ദേ​ശ​ങ്ങ​ളി​ലും ഒ​ന്ന്, ര​ണ്ട് വാ​ർ​ഡു​ക​ളി​ലും കു​ല​ശേ​ഖ​ര​പു​ര​ത്ത് പു​ന്ന​ക്കു​ളം, ക​ട​ത്തൂ​ർ, നീ​ലി​കു​ളം കോ​ട്ട​ക്ക​പ്പു​റം പ്ര​ദേ​ശ​ങ്ങ​ളി​ലും നി​ര​വ​ധി​പേ​ർ​ക്ക് പ​നി ബാ​ധി​ച്ചു. കൊ​തു​കു​ന​ശീ​ക​ര​ണ​ത്തി​ന് കാ​ര്യ​മാ​യി ഒ​ന്നും ന​ട​ത്തു​ന്നി​ല്ലെ​ന്ന പ​രാ​തി വ്യാ​പ​ക​മാ​ണ്. ന​ഗ​ര​സ​ഭ​യി​ൽ സ​ർ​വ​ത്ര പ​നി ബാ​ധി​ത​രാ​ണ്. ഇ​വി​ടെ ജാ​ഗ്ര​ത സ​മി​തി​ക​ൾ രൂ​പ​വ​ത്​​ക​രി​ച്ചെ​ങ്കി​ലും കാ​ര്യ​മാ​യ പ്ര​വ​ർ​ത്ത​ന​ങ്ങ​ൾ ഒ​ന്നും ന​ട​ക്കു​ന്നി​ല്ല. മാ​ലി​ന്യ​ങ്ങ​ൾ വ​ഴി​വ​ക്കു​ക​ളി​ലും ഒ​ഴു​ക്കി​ല്ലാ​ത്ത വെ​ള്ള​ക്കെ​ട്ടു​ക​ളി​ലും കി​ട​ന്ന്​ ചീ​ഞ്ഞ​ളി​ഞ്ഞ്​ രോ​ഗാ​ണു​ക്ക​ളും കൊ​തു​കു​ക​ളും പെ​രു​കു​ന്നു. കൊ​തു​കു​ക​ളു​ടെ ഉ​റ​വി​ട​ന​ശീ​ക​ര​ണ​ത്തി​നാ​യും മാ​ലി​ന്യ​ങ്ങ​ൾ നീ​ക്കം ചെ​യ്യു​ന്ന​തി​നാ​യും പ​ഞ്ചാ​യ​ത്തു​ക​ളും ഒ​ന്നും​ചെ​യ്യു​ന്നി​ല്ല. ത​ഴ​വ പ​ഞ്ചാ​യ​ത്തി​ൽ മാ​ത്ര​മാ​ണ്​ പേ​രി​നെ​ങ്കി​ലും ശു​ചീ​ക​ര​ണം ന​ട​ന്ന​ത്. മി​ക്ക​പ​ഞ്ചാ​യ​ത്തി​ലും ആ​ശാ വ​ർ​ക്ക​ർ​മാ​ർ ബീ​ച്ചി​ങ്​ പൗ​ഡ​ർ വീ​ടു​ക​ളി​ലെ കി​ണ​റു​ക​ളി​ൽ നി​ക്ഷേ​പി​ക്കു​ക മാ​ത്ര​മാ​ണ്​ ​െച​യ്​​ത​ത്.