മലിനജലം കെട്ടിനിൽക്കുന്നു; കൊതുകിെൻറ പ്രജനനകേന്ദ്രമായി പാരിപ്പള്ളി മാർക്കറ്റ്

പാരിപ്പള്ളി: മലിനജലം കെട്ടിനിൽക്കുന്നതുകൊണ്ടുള്ള ദുർഗന്ധവും കൊതുകുകളുടെ ശല്യവുംമൂലം പാരിപ്പള്ളി മാർക്കറ്റ് ജനങ്ങൾക്ക് ദുരിതകേന്ദ്രമാക്കുന്നു. മത്സ്യവിൽപന നടക്കുന്ന സ്​ഥലത്തുനിന്നുള്ള മലിനജലമാണ് കൂടുതലായും ഇവിടെ കെട്ടിനിൽക്കുന്നത്. ഒഴുകിയെത്തുന്ന മത്സ്യാവശിഷ്​ടങ്ങളടക്കം നിറഞ്ഞ വെള്ളം ഒലിച്ചിറങ്ങി സെപ്റ്റിക് ടാങ്കിന്​ മുന്നിൽ കെട്ടിനിൽക്കുന്നു. മാർക്കറ്റി​െൻറ മൂലയിലായി രണ്ട് സെപ്റ്റിക് ടാങ്കുകളാണുള്ളത്. ഇത് രണ്ടും ഉപയോഗശൂന്യമായിട്ട് വർഷങ്ങളായി. മണ്ണിടിഞ്ഞും നികന്നും തകർന്ന ടാങ്കുകളിലേക്ക് വെള്ളം ഒഴുകിയിറങ്ങാത്തതാണ് പ്രശ്നത്തിന്​ കാരണമാകുന്നത്. ടാങ്കി​െൻറ മുകൾഭാഗം വിടവുകൾ വീണതിനാൽ ഉള്ളിലും കൊതുകുകൾ മുട്ടയിട്ട് പെരുകുകയാണ്. കെട്ടിനിൽക്കുന്ന വെള്ളത്തിൽ മത്സ്യാവശിഷ്​ടങ്ങളും ചപ്പുചവറുകളും അഴുകുന്നതിനാൽ രൂക്ഷമായ ദുർഗന്ധവുമുണ്ട്​. മാർക്കറ്റിൽ സ്​ഥലപരിമിതിമൂലം നിന്നുതിരിയാനിടമില്ലാത്തത് ജനങ്ങളെ കൂടുതൽ ബുദ്ധിമുട്ടിക്കുന്നു. മാലിന്യങ്ങളിൽ ചവിട്ടാതെ പോകാൻ കഴിയാത്ത സ്​ഥിതിയാണ്. പാരിപ്പള്ളിയിലും പരിസരങ്ങളിലും വ്യാപകമായി പകർച്ചപ്പനി പടർന്നുപിടിച്ചിട്ടും ആവശ്യമായ ശുചീകരണ പ്രവർത്തനങ്ങൾ നടത്താൻ പഞ്ചായത്ത് തയാറാവുന്നില്ലെന്ന് പരാതിയുണ്ട്. പനി പടർന്നുപിടിച്ചതിനെതുടർന്ന് പ്രതിഷേധങ്ങളുയർന്നപ്പോൾ ചിലയിടങ്ങളിൽനിന്ന​്​ ചപ്പുചവറുകൾ നീക്കം ചെയ്തതൊഴിച്ചാൽ പഞ്ചായത്തി​െൻറ മഴക്കാലപൂർവ ശുചീകരണ പ്രവർത്തനങ്ങൾ നാമമാത്രമാണ്. പഞ്ചായത്തി​െൻറ തൊട്ടടുത്തുള്ള കല്ലുവാതുക്കൽ മാർക്കറ്റിലും സ്ഥിതി വ്യത്യസ്​തമല്ല. മലിനജലം ഒഴുക്കിവിടാനുള്ള ശാശ്വത മാർഗങ്ങൾ ഇല്ലാത്തതാണ് ഇവിടെയും പ്രശ്നം. മാർക്കറ്റുകളോ മറ്റ്​ മാലിന്യനിക്ഷേപകേന്ദ്രങ്ങളോ ശുചീകരിക്കാൻ പഞ്ചായത്തിൽ സ്ഥിരം സംവിധാനമില്ല. വികസനപ്രവർത്തനത്തി​െൻറ പേരിൽ കോടികൾ ചെലവഴിക്കുമ്പോഴും പൊതുജനാരോഗ്യത്തിന്​ ഏറ്റവും ഭീഷണി ഉയർത്തുന്ന മാലിന്യ നിർമാർജനത്തിന് യാതൊരു പരിഗണനയും നൽകാത്തത് എന്തുകൊണ്ടാണെന്ന ചോദ്യമുയരുന്നു. മഴക്കാലം എത്തിയിട്ടുപോലും അധികൃതർക്ക് ഇക്കാര്യത്തിൽ ശ്രദ്ധയില്ലാത്തത് ആശങ്കജനകമാണ്.