Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightസൂനാമി ഫ്ളാറ്റിനുസമീപം ...

സൂനാമി ഫ്ളാറ്റിനുസമീപം കഞ്ചാവ് ചെടി വളര്‍ത്തിയ യുവാവ് പിടിയില്‍

text_fields
bookmark_border
ഇരവിപുരം: സൂനാമി ഫ്ളാറ്റിനുസമീപം കഞ്ചാവ് ചെടി വളര്‍ത്തിയ യുവാവിനെ ഷാഡോ പൊലീസിന്‍െറ സഹായത്തോടെ ഇരവിപുരം പൊലീസ് പിടികൂടി. മയ്യനാട് വലിയവിള സൂനാമി ഫ്ളാറ്റില്‍ താമസിക്കുന്ന കാര്‍ത്തിക് ആണ് പിടിയിലായത്. ഫ്ളാറ്റ് പരിസരത്ത് കഞ്ചാവ് ചെടി നട്ടുവളര്‍ത്തുന്നുണ്ടെന്ന് കൊല്ലം സിറ്റി പൊലീസ് കമീഷണര്‍ക്ക് ലഭിച്ച രഹസ്യവിവരത്തിന്‍െറ അടിസ്ഥാനത്തില്‍ ഇരവിപുരം എസ്.ഐ മുഹമ്മദ് ഷാഫി, അഡീഷനല്‍ എസ്.ഐ അജേഷ് എന്നിവരുടെ നേതൃത്വത്തില്‍ ഷാഡോ പൊലീസിലെ അനന്‍ബാബു, മണികണ്ഠന്‍, ഹരിലാല്‍, സജു, മനു എന്നിവരടങ്ങിയ സംഘം റെയ്ഡ് നടത്തുകയായിരുന്നു. ഉപയോഗിക്കാന്‍ വാങ്ങിയ കഞ്ചാവിന്‍െറ അരിയിട്ട് മുളപ്പിച്ചെടുത്ത ചെടിയാണിതെന്ന് പൊലീസ് പറഞ്ഞു. ഏതാനും മാസം മുമ്പ് കൊട്ടിയത്ത് 10 കിലോ കഞ്ചാവുമായി ദമ്പതികള്‍ ഷാഡോ പൊലീസിന്‍െറ പിടിയിലായതുമുതല്‍ കഞ്ചാവ് ഉപയോഗിക്കുന്നവരെയും വില്‍പനക്കാരെയും പൊലീസ് നിരീക്ഷിച്ചുവരുകയാണ്. കഴിഞ്ഞദിവസം പിടിയിലായ കാര്‍ത്തിക് നേരത്തേ ചില കേസുകളുമായി ബന്ധപ്പെട്ട് ജയില്‍വാസം അനുഭവിച്ചയാളാണെന്ന് പൊലീസ് പറഞ്ഞു.
Show Full Article
TAGS:LOCAL NEWS 
Next Story