പീഡനക്കേസില്‍ യുവാക്കള്‍ അറസ്റ്റില്‍

ചവറ: പ്രായപൂര്‍ത്തിയാകാത്ത പെണ്‍കുട്ടികളെ പീഡിപ്പിച്ച വ്യത്യസ്ത കേസുകളില്‍ രണ്ട് യുവാക്കളെ പൊലീസ് അറസ്റ്റ് ചെയ്തു. ചവറ തെക്കുംഭാഗത്ത് പതിനഞ്ചുകാരിയെ പീഡിപ്പിച്ച കേസില്‍ വടക്കുംഭാഗം സ്വദേശി അജിത്തിനെയും (22) പന്മനയില്‍ പതിനേഴുകാരിയെ പീഡിപ്പിച്ച കേസില്‍ വടക്കുംതല സ്വദേശി മനോജിനെയുമാണ് (24) അറസ്റ്റ് ചെയ്തത്. രണ്ട് സംഭവങ്ങളിലും പെണ്‍ കുട്ടികള്‍ക്ക് വിവാഹ വാഗ്ദാനം നല്‍കിയാണ് പീഡനമെന്ന് പൊലീസ് പറഞ്ഞു. പെണ്‍കുട്ടികളുടെ മൊഴിയുടെ അടിസ്ഥാനത്തിലാണ് അറസ്റ്റ്. അറസ്റ്റിലായവരെ കോടതി റിമാന്‍ഡ് ചെയ്തു.