Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightഉപജില്ലാ സ്കൂള്‍...

ഉപജില്ലാ സ്കൂള്‍ കായികമേളക്കിടെ പരിക്കേറ്റ വിദ്യാര്‍ഥിക്ക് അവഗണനയെന്ന്

text_fields
bookmark_border
കുളത്തൂപ്പുഴ: ഉപജില്ലാ സ്കൂള്‍ കായികമേളക്കിടെ പരിക്കേറ്റ വിദ്യാര്‍ഥിക്ക് അവഗണനയെന്ന് ആരോപണം. കുളത്തൂപ്പുഴ മഠത്തിക്കോണം സ്വദേശിയും കല്ലുവെട്ടാംകുഴി ഗവ. ഹയര്‍സെക്കന്‍ഡറി സ്കൂളിലെ പത്താം ക്ളാസ് വിദ്യാര്‍ഥിയുമായ സുജിത്ത് (14) ആണ് സ്കൂള്‍ കായികമേളക്കിടെ പരിക്കേറ്റ് കിടക്കയില്‍ കഴിയുന്നത്. ദിവസങ്ങള്‍ക്ക് മുമ്പ് അഞ്ചല്‍ ഈസ്റ്റ് സ്കൂള്‍ മൈതാനത്തില്‍ നടന്ന ഫുട്ബാള്‍ മത്സരത്തില്‍ സ്കൂളിനെ പ്രതിനിധീകരിച്ച ടീമില്‍ സുജിത്തുമുണ്ടായിരുന്നു. മത്സരത്തിടെയാണ് സുജിത്തിന്‍െറ കാലിന് ഗുരുതരപരിക്കേറ്റത്. അധ്യാപകനും സഹപ്രവര്‍ത്തകരും ചേര്‍ന്ന് സുജിത്തിനെ അഞ്ചലിലെ സ്വകാര്യ ആശുപത്രിയിലത്തെിച്ചു. ദിവസങ്ങളോളം ആശുപത്രിയില്‍ ചികിത്സയില്‍ കഴിഞ്ഞിരുന്ന സുജിത്തിനെ സംഘാടകരോ ബന്ധപ്പെട്ട അധികാരികളോ തിരിഞ്ഞുനോക്കിയില്ളെന്ന് രക്ഷിതാക്കള്‍ ആരോപിച്ചു. കാലിന് പ്ളാസ്റ്ററിട്ട നിലയില്‍ കിടക്കവിട്ട് എഴുന്നേല്‍ക്കാനാവാതെ കഴിച്ചുകൂട്ടുകയാണ് സുജിത്. വേദനയില്‍ കഴിയുന്ന സഹപാഠിക്ക് കഴിയുന്നത്ര സഹായമത്തെിച്ച് നല്‍കാനുള്ള പരിശ്രമത്തിലാണ് സ്കൂളിലെ സഹപാഠികളായ വിദ്യാര്‍ഥികളും അധ്യാപകരും.
Show Full Article
TAGS:LOCAL NEWS 
Next Story