സവാള ചാക്കുകെട്ടുകൊണ്ട് മറച്ച് ലോറിയില്‍ മണല്‍ കടത്ത്

ചവറ: സവാള ചാക്കുകെട്ടുകൊണ്ട് മറച്ച് അനധികൃതമായി ലോറിയില്‍ വില്‍പനക്ക് കൊണ്ടുവന്ന മണല്‍ ചവറ പൊലീസ് പിടികൂടി. തമിഴ്നാട് രജിസ്ട്രേഷന്‍ ലോറിയാണ് പിടികൂടിയത്. മണലാണെന്ന് അറിയാതിരിക്കാന്‍വേണ്ടി ചെക് പോസ്റ്റ് അധികൃതരെ കബളിപ്പിക്കാനായിരുന്നു സവാള ചാക്കും ഉണക്കതൊണ്ടുംകൊണ്ട് മണല്‍ മൂടിയിരുന്നത്. ഞായറാഴ്ച ഉച്ചക്ക് ചവറ പയ്യലക്കാവിലെ വീട്ടില്‍ മണല്‍ ഇറക്കുന്നതിനിടെ പൊലീസത്തെി പിടികൂടുകയായിരുന്നു. ലോറി ഡ്രൈവര്‍ കന്യാകുമാരി അരുമന മുണ്ടംപ്ളാവിളയില്‍ രാജുവിനെയും ലോറിയും പൊലീസ് കസ്റ്റഡിയിലെടുത്തു. ചവറയുടെ വിവിധ ഭാഗങ്ങളില്‍ അനധികൃതമായി മണല്‍ വില്‍പന നടക്കുന്നതായി വിവരം ലഭിച്ചതിനെ തുടര്‍ന്ന് എസ്.ഐ ജയകുമാറിന്‍െറ നേതൃത്വത്തിലായിരുന്നു പരിശോധന.