Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightറോളര്‍ സ്കേറ്റിങ്...

റോളര്‍ സ്കേറ്റിങ് പരിശീലനം ആസ്വദിച്ച് കുരുന്നുകള്‍

text_fields
bookmark_border
കാവനാട്: കാലുകളില്‍ ചക്രങ്ങളുമായി നടന്നും തെന്നിനീങ്ങിയും കുരുന്നുതാരങ്ങള്‍. പടിഞ്ഞാറേകൊല്ലം കുരീപ്പുഴ മതേതര വായനശാലയുടെ ആഭിമുഖ്യത്തില്‍ നടക്കുന്ന റോളര്‍ സ്കേറ്റിങ് പരിശീലനത്തില്‍ കുട്ടികള്‍ തങ്ങളുടെ അവധിക്കാലം ആഘോഷമാക്കുകയാണ്. വായനശാലക്കുമുന്നില്‍ നടക്കുന്ന പരിശീലനത്തില്‍ മൂന്നുവയസ്സ് മുതലുള്ള കുട്ടികള്‍ പങ്കെടുക്കുന്നു. വേനലവധിക്കാലം മുഴുവന്‍ നടക്കുന്ന പരിശീലനപരിപാടി അവധിക്കുശേഷവും ഞായറാഴ്ചകളിലും തുടരും. ദിവസവും രാവിലെ ആറുമുതല്‍ എട്ടുവരെയും വൈകീട്ട് നാലുമുതല്‍ ആറുവരെയുമാണ് പരിശീലനം. താല്‍പര്യമുള്ളവര്‍ക്ക് ഇനിയും പ്രവേശം നല്‍കുമെന്ന് സംഘാടകര്‍ അറിയിച്ചു. ജില്ലാ റോളര്‍സ്കേറ്റിങ് താരം രാജേഷിന്‍െറ നേതൃത്വത്തില്‍ നടക്കുന്ന പരിശീലനത്തിന് വായനശാല പ്രസിഡന്‍റ് ഐ.എ. സലിം, ജനറല്‍ സെക്രട്ടറി അജിത് കുരീപ്പുഴ തുടങ്ങിയവര്‍ നേതൃത്വം നല്‍കുന്നു.
Show Full Article
TAGS:LOCAL NEWS 
Next Story