പൊതുവിപണിയിലെ വിലക്കയറ്റം: ഉദ്യോഗസ്ഥര്‍ മിന്നല്‍പരിശോധന നടത്തി

കൊല്ലം: പൊതുവിപണിയില്‍ പയറുവര്‍ഗങ്ങളുടെ വില വര്‍ധിക്കുന്നു എന്ന പരാതികളുടെ അടിസ്ഥാനത്തില്‍ കൊല്ലം താലൂക്ക് സപൈ്ള ഓഫിസറുടെ നേതൃത്വത്തില്‍ താലൂക്കിലെ റേഷനിങ് ഇന്‍സ്പെക്ടര്‍മാര്‍ വിവിധ വ്യാപാരസ്ഥാപനങ്ങളില്‍ മിന്നല്‍പരിശോധന നടത്തി. 15 വ്യാപാര സ്ഥാപനങ്ങള്‍ പരിശോധിച്ചതില്‍ ക്രമക്കേടുകള്‍ കണ്ടത്തെിയ അഞ്ച് വ്യാപാരസ്ഥാപനങ്ങള്‍ക്കെതിരെ കേസെടുക്കുകയും തുടര്‍നടപടികള്‍ സ്വീകരിക്കുന്നതിനായി കലക്ടര്‍ക്ക് റിപ്പോര്‍ട്ട് നല്‍കുകയും ചെയ്തു. പരിശോധനയില്‍ റേഷനിങ് ഇന്‍സ്പെക്ടര്‍മാരായ എസ്. മുരഹരക്കുറുപ്പ്, ബി. ഓമനക്കുട്ടന്‍, ജി.എസ് ഗോപകുമാര്‍, ജി.ബി. ഹരികുമാര്‍, ആര്‍.എസ്. അജിത്കുമാര്‍, ഫില്ലിസ് ലാവോസ് എന്നിവര്‍ പങ്കെടുത്തു. വരുംദിവസങ്ങളിലും പരിശോധനകള്‍ കര്‍ശനമാക്കുമെന്നും ക്രമക്കേടുകള്‍ നടത്തുന്നവര്‍ക്കെതിരെ ശക്തമായ നടപടികള്‍ സ്വീകരിക്കുമെന്നും താലൂക്ക് സപൈ്ള ഓഫിസര്‍ വി.കെ. തോമസ് അറിയിച്ചു.