Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightദേശീയപാതയില്‍...

ദേശീയപാതയില്‍ കലുങ്കിന്‍െറ സംരക്ഷണഭിത്തി തകര്‍ന്ന നിലയില്‍

text_fields
bookmark_border
കാവനാട്: ദേശീയപാതയില്‍ കലുങ്കിന്‍െറ സംരക്ഷണഭിത്തികള്‍ തകര്‍ന്ന നിലയിലായിട്ട് നാളേറെ. ശക്തികുളങ്ങര മരിയാലയം ജങ്ഷനുസമീപത്തെ കലുങ്കിന്‍െറ ഇരുവശത്തെയും സംരക്ഷണഭിത്തികളാണ് തകര്‍ന്ന് അപകടഭീഷണി ഉയര്‍ത്തുന്നത്. സംരക്ഷണഭിത്തിയിലെ കമ്പികള്‍ പലതും ദ്രവിച്ച് തള്ളിനില്‍ക്കുന്നതിനാല്‍ കാല്‍നടക്കാരും ബുദ്ധിമുട്ടിലാണ്. യാത്രക്കാരുടെ ശരീരത്തും വസ്ത്രങ്ങളിലും കമ്പികള്‍ ഉടക്കുകയാണ്. ഹോട്ടലുകളില്‍നിന്നും കോഴിഫാമുകളില്‍നിന്നുമുള്ള അവശിഷ്ടങ്ങളും ഈ കലുങ്കിന്‍െറ വശങ്ങളിലാണ് തള്ളുന്നത്. സംരക്ഷണഭിത്തി തകര്‍ന്നതിനാല്‍ കലുങ്കിനുമുകളില്‍നിന്ന് ചാക്കുകെട്ടുകളിലാക്കിയ മാലിന്യങ്ങള്‍ കനാലില്‍ വലിച്ചെറിയുകയാണ്. തെരുവുനായ്ക്കളുടെ ശല്യവും രൂക്ഷമാണ്. മാലിന്യം ഭക്ഷിച്ചശേഷം തെരുവുനായ്ക്കള്‍ കുറ്റിക്കാട്ടില്‍നിന്ന് ഒറ്റക്കും കൂട്ടത്തോടെയും റോഡിലേക്ക് ചാടുന്നതിനാല്‍ ഇരുചക്രവാഹനങ്ങള്‍ അപകടത്തില്‍പെടാറുണ്ട്. ഈ ഭാഗത്ത് തെരുവുവിളക്കുകളും പ്രകാശിക്കുന്നില്ല. കനാലിന്‍െറ ഒരുവശത്തെ സംരക്ഷണഭിത്തി കാടുമൂടിക്കിടക്കുന്നതിനാല്‍ ഇവിടെ സംരക്ഷണഭിത്തിയും റോഡും വേര്‍തിരിച്ചറിയാനാവില്ല. ഗതാഗതക്കുരുക്കുണ്ടാകുന്ന അവസരങ്ങളില്‍ ബൈക്കിലും മറ്റും വരുന്നവര്‍ക്ക് സംരക്ഷണഭിത്തി കാണാനാകാത്തതുമൂലം കനാലിലേക്ക് വീഴാനും സാധ്യതയേറെയാണ്. അതിനാല്‍ ദേശീയപാതയിലെ ഏറെ തിരക്കുള്ള ഈ ഭാഗത്ത് കലുങ്കിന്‍െറ സംരക്ഷണഭിത്തി കെട്ടി ബലപ്പെടുത്തുകയും കുറ്റിക്കാടുകള്‍ വെട്ടിത്തെളിക്കുകയും തെരുവുവിളക്കുകള്‍ സ്ഥാപിക്കുകയും വേണമെന്ന ആവശ്യമാണ് യാത്രക്കാര്‍ക്കും പരിസരവാസികള്‍ക്കുമുള്ളത്.
Show Full Article
TAGS:
Next Story