യാത്രക്കാര്‍ പാളം മുറിച്ചുകടക്കുന്നത് അപകടഭീഷണിയാകുന്നു

കിളികൊല്ലൂര്‍: നിരവധി യാത്രക്കാര്‍ ദിവസവും വന്നുപോകുന്ന കിളികൊല്ലൂര്‍ റെയില്‍വേസ്റ്റേഷനില്‍ യാത്രക്കാര്‍ പാളം മുറിച്ചുകടക്കുന്നത് അപകടഭീഷണി ഉയര്‍ത്തുന്നു. യാത്രക്കാര്‍ മാത്രമല്ല, നൂറുകണക്കിന് സ്കൂള്‍-കോളജ് വിദ്യാര്‍ഥികളും പാളം മുറിച്ചു കടന്നാണ് കരിക്കോട് ജങ്ഷനില്‍ ബസ് കയറാനത്തെുന്നത്. സ്റ്റേഷനില്‍ ട്രെയിന്‍ വന്നുതുടങ്ങുമ്പോഴേക്കും പാളം മുറിച്ചു കടക്കുന്നവര്‍ നിരവധിയാണ്. അസൗകര്യങ്ങളാല്‍ വീര്‍പ്പുമുട്ടുന്ന സ്റ്റേഷനില്‍ മേല്‍പാലം നിര്‍മിക്കണമെന്ന യാത്രക്കാരുടെ ആവശ്യത്തിന് റെയില്‍വേ അധികൃതര്‍ ഒരു നടപടിയും സ്വീകരിച്ചിട്ടില്ല. തീവണ്ടി കാത്തുനില്‍ക്കുന്നവര്‍ മഴയും വെയിലും ഏല്‍ക്കാതിരിക്കാന്‍ സ്റ്റേഷന്‍ മാസ്റ്ററുടെ ഓഫിസിന് മുന്നിലെ പ്ളാറ്റ്ഫോമിന്‍െറ മേല്‍ക്കൂരയുള്ള ഭാഗത്ത് നില്‍ക്കണം. തീവണ്ടിയത്തെുമ്പോള്‍ ലഗേജും ചുമന്ന് ഓടണം. മഴയാണെങ്കില്‍ നനഞ്ഞ് കുളിച്ചായിരിക്കും തീവണ്ടിക്കുള്ളില്‍ കടക്കുന്നത്. വന്നിറങ്ങുന്നവരുടെ സ്ഥിതിയും ഇതുതന്നെ. സ്റ്റേഷന്‍ വികസനത്തിന്‍െറ ഭാഗമായി ഇരുഭാഗത്തെയും പ്ളാറ്റ്ഫോമിലുള്‍പ്പെടെ മേല്‍ക്കൂര സ്ഥാപിക്കുമെന്ന് പ്രഖ്യാപനം തുടങ്ങിയിട്ട് വര്‍ഷങ്ങളായി. മഴ ആരംഭിച്ചതോടെ യാത്രക്കാരുടെ ദുരിതം ഇരട്ടിച്ചിരിക്കുകയാണ്. യാത്രക്കാര്‍ക്ക് പ്രാഥമികാവശ്യങ്ങള്‍ നിറവേറ്റാന്‍പോലും സൗകര്യമില്ലാത്ത അവസ്ഥയാണ്. നിരവധി തവണ റെയില്‍വേ അധികൃതര്‍ക്ക് നിവേദനങ്ങള്‍ നല്‍കിയിട്ടും ഫലമില്ളെന്ന് സ്ഥലത്തെ പൊതുപ്രവര്‍ത്തകര്‍ തന്നെ പറയുന്നു. മൂത്രപ്പുരയോ കക്കൂസോ ഇവിടെയില്ല. ദിനംപ്രതി നൂറുകണക്കിന് യാത്രക്കാരാണ് കൊല്ലം, പുനലൂര്‍ ഭാഗത്തേക്ക് യാത്രചെയ്യാനത്തെുന്നത്. അവധിദിവസങ്ങളിലാകട്ടെ യാത്രക്കാരുടെ തിരക്കും ഏറെയാണ്.