എസ്.എൻ.ഡി.പി യോഗം ക്രമക്കേട്​: പ്രതികൾക്ക്​ മുൻകൂർ ജാമ്യം നൽകരുതെന്ന്​ സർക്കാർ

കൊച്ചി: എസ്.എൻ.ഡി.പി യോഗം മാവേലിക്കര യൂനിയനിലെ 11 കോടിയുടെ സാമ്പത്തിക തട്ടിപ്പു കേസിലെ മുഖ്യ സൂത്രധാരന്മാരാണ് മുൻ ഭാരവാഹികളായ സുഭാഷ് വാസുവും സുരേഷ് ബാബുവുമെന്ന് സർക്കാർ ഹൈകോടതിയിൽ. 2006 -19 കാലഘട്ടത്തിൽ യൂനിയൻ ഭാരവാഹികളായിരുന്ന ഇവരിൽനിന്ന് സാമ്പത്തിക ഇടപാടുകൾ വ്യക്തമാക്കുന്ന രേഖകൾ കണ്ടെടുക്കേണ്ടതിനാൽ ഇരുവരെയും കസ്റ്റഡിയിൽ ചോദ്യം ചെയ്യേണ്ടതുണ്ടെന്നും സർക്കാർ വ്യക്തമാക്കി. കേസുമായി ബന്ധപ്പെട്ട് ഇരുവരും നൽകിയ മുൻകൂർ ജാമ്യ ഹരജിയിലാണ് സർക്കാറിൻെറ വിശദീകരണം. ഹരജി ഹൈകോടതി വിധി പറയാൻ മാറ്റി.