കാറിൽ ചാരായ വിൽപന: ഒരാൾകൂടി അറസ്​റ്റിൽ

മൂവാറ്റുപുഴ: കാറിൽ കറങ്ങി വാറ്റുചാരായ വിൽപന നടത്തിവന്ന സംഘത്തിലെ ഒരാളെകൂടി മൂവാറ്റുപുഴ പൊലീസ്‌ അറസ്റ്റുചെയ്തു. മുളവൂർ നിരപ്പ് പീരിക്കുട്ടിപ്പടി മരോട്ടിക്കച്ചാലിൽ ചൈന ബിനോയി എന്ന ബിനോയിയാണ് (43) അറസ്റ്റിലായത്. സംഘത്തലവൻ മുളവൂർ തെക്കേ പുത്തന്‍പുരയിൽ അൻവർ (29) നേരേത്ത പിടിയിലായിരുന്നു. ബിനോയിയാണ് ചാരായം നിർമിച്ചുവന്നിരുന്നത്. മുളവൂർ പോയാലി മലയിലെ നിർത്തിയ പാറമടയിലാണ് വ്യാജമദ്യം നിർമിച്ചുവന്നിരുന്നത്. പാറമടയിൽനിന്ന് വ്യാജമദ്യ നിർമാണത്തിന് ഉപയോഗിക്കുന്ന ഉപകരണങ്ങളും പൊലീസ് കണ്ടെടുത്തു. അൻവർ കൊലപാതക കേസുകളിലുൾപ്പെടെ സംസ്ഥാനത്തെ വിവിധ പൊലീസ് സ്റ്റേഷനുകളിലായി ഒട്ടേറെ കേസുകളിൽ പ്രതിയാണ്.