എസ്.എൻ ജിസ്​റ്റ്​ ഹോസ്​റ്റലിൽ 150 പേർക്ക് ക്വാറൻറീൻ

കരുമാല്ലൂർ: മാഞ്ഞാലി എസ്.എൻ ജിസ്റ്റ് ഹോസ്റ്റലിൽ വിദേശത്തുനിന്ന് എത്തുന്നവർക്ക് ക്വാറൻറീൻ. അടുത്ത ആഴ്ചയിൽ എത്തുന്ന 150 യാത്രക്കാരെ താമസിപ്പിക്കാൻ ഒരുക്കം കരുമാല്ലൂർ ഗ്രാമപഞ്ചായത്ത് ദുരന്തനിവാരണസേന ആരംഭിച്ചു. പഞ്ചായത്ത് അധികൃതരും ആരോഗ്യവകുപ്പ് ഉദ്യോഗസ്ഥരുമാണ് പ്രവർത്തനങ്ങൾക്ക് നേതൃത്വം നൽകുന്നത്. ദുരന്തനിവാരണ സേനാംഗങ്ങളും കുടുംബശ്രീ പ്രവർത്തകരും ചേർന്ന് മുന്നൊരുക്കം ആരംഭിച്ചതായി പഞ്ചായത്ത് പ്രസിഡൻറ് ജി.ഡി. ഷിജു പറഞ്ഞു. എ.എം. അലി, പി.എം. ദിപിൻ, ഷിജി പീതാംബരൻ, നസീർ പാത്താല, കൊച്ചുറാണി ജോസഫ് തുടങ്ങിയവർ നേതൃത്വം നൽകി.