ചേർത്തലയിലെ 13 ​േപരുടെ സ്രവപരിശോധനഫലം നെഗറ്റിവ്​

ചേർത്തല: കോട്ടയത്ത് കോവിഡ് സ്ഥിരീകരിച്ച ചരക്കുലോറി ഡ്രൈവർ ചേർത്തലയിലെ കടയിലും ലോഡ് ഇറക്കിയതിനെത്തുടർന്ന് ക ്വാറൻറീൻ ചെയ്ത കടയുടമ ഉൾപ്പെടെ 13 പേരുടെ സ്രവപരിശോധന ഫലം നെഗറ്റിവായി. കോവിഡ് സ്ഥിരീകരിച്ചയാൾ മാർച്ച് 25നാണ് ഇവിടെയെത്തി ലോഡിറക്കിയത്. 25ന് ഇയാൾക്ക് കോവിഡ് സ്ഥിരീകരിച്ചതിനാൽ സമ്പർക്കപട്ടികയെത്തുടർന്നാണ് കടയുടമ, ജീവനക്കാർ, അന്ന് കടയിലെത്തിയവർ എന്നിവരുൾപ്പെടെ 13 പേരെ 26 മുതൽ അതത് വീടുകളിൽ ക്വാറൻറീൻ ചെയ്തത്. നെഗറ്റിവ് സ്രവ പരിശോധനഫലം ബുധനാഴ്ചയാണ് വന്നത്. എങ്കിലും ഇവരുടെ ക്വാറൻറീൻ തുടരും. നിയന്ത്രണത്തോടെ കട തുറക്കാമെന്നും അറിയിച്ചിട്ടുണ്ട്.