അതിഥി തൊഴിലാളികളോട്​ അവഗണന പാടില്ല -വെൽഫെയർ പാർട്ടി

ആലങ്ങാട്: കമ്യൂണിറ്റി കിച്ചനിൽ അതിഥി തൊഴിലാളികൾക്കുള്ള ഭക്ഷണം നിഷേധിക്കുന്ന പഞ്ചായത്തിൻെറ നടപടി പ്രതിഷേധാർ ഹമാണെന്ന് വെൽഫെയർ പാർട്ടി. പഞ്ചായത്ത് സംവിധാനങ്ങൾ അതിഥി തൊഴിലാളികളോട് മനുഷ്യത്വരഹിതമായാണ് പെരുമാറുന്നത്. സന്നദ്ധ സംഘടനകളെക്കൂടി ഉൾപ്പെടുത്തി കമ്യൂണിറ്റി കിച്ചനിൽ കൂട്ടായ പ്രവർത്തനമാണ് വേണ്ടത്. സർക്കാർ ഫണ്ടുകൊണ്ട് പാർട്ടി വളർത്താനുള്ള ശ്രമം നടത്തുന്നത് കൊണ്ടാണ് മറ്റുള്ളവരെ മാറ്റിനിർത്താൻ നോക്കുന്നത്. എല്ലാവരെയും സഹകരിപ്പിച്ചുള്ള നീക്കങ്ങൾക്കാണ് പഞ്ചായത്ത് മുൻകൈ എടുക്കേണ്ടതെന്നും ആലങ്ങാട് പഞ്ചായത്ത് കമ്മിറ്റി പ്രസിഡൻറ് കുഞ്ഞുമുഹമ്മദ് കരിങ്ങാംതുരുത്ത് ആവശ്യപ്പെട്ടു.