അംഗൻവാടി കളിസ്ഥലം നവീകരിച്ചു

അങ്കമാലി: തുറവൂർ പഞ്ചായത്തിലെ 69ാം നമ്പർ അംഗൻവാടിയുടെ കളിസ്ഥലം ചെങ്ങൽ സൻെറ് ജോസഫ്സ് ഹയർ സെക്കൻഡറി സ്കൂളിലെ എൻ.എസ്.എസ് വളൻറിയർമാർ നവീകരിച്ചു. കളിസ്ഥലം ഉദ്ഘാടനം റോജി എം.ജോൺ എം.എൽ.എ നിർവഹിച്ചു. പഞ്ചായത്ത് പ്രസിഡൻറ് കെ.വൈ. വർഗീസ് അധ്യക്ഷതവഹിച്ചു. മാർ അഗസ്റ്റിൻ ഹയർ സെക്കൻഡറി സ്കൂളിൽ നടന്ന സപ്തദിന ക്യാമ്പിൻെറ ഭാഗമായാണ് പ്രവർത്തനം. പഞ്ചായത്ത് വൈസ് പ്രസിഡൻറ് സിൽവി ബൈജു, സ്ഥിരംസമിതി അധ്യക്ഷൻ എം.എം. ജെയ്സൺ, പഞ്ചായത്ത് അംഗം ധന്യ ബിനു, സൻെറ് ജോസഫ്സ് സ്കൂൾ പ്രിൻസിപ്പൽ സി. നൈസി ജോസഫ്, എൻ.എസ്.എസ് പ്രോഗ്രാം ഓഫിസർ പ്രീത ബാബു, സ്കൂൾ അസി. മാനേജർ ഫാ. ആൻറണി കുരിക്കാവേളിച്ചിറ, പ്രിൻസിപ്പൽ പി.വി. ആൻറണി, സി. അമൽ ഗ്രേയ്സ്, സി. അലീന, സി. ജോമരിയ, സൗമ്യ തോമസ്, അംഗൻവാടി വർക്കർ ഷീജ മാധവൻ എന്നിവർ സംസാരിച്ചു.