ഒരുകോടി രൂപയുടെ സ്വർണമിശ്രിതം പിടികൂടി

നെടുമ്പാശ്ശേരി: കൊച്ചി വിമാനത്താവളത്തിൽ രണ്ട് യാത്രക്കാരിൽനിന്നായി . ഇത്തിഹാദ് എയർവേസ് വിമാനത്തിൽ അബൂദബിയിൽ നിന്ന് എത്തിയ കോഴിക്കോട് സ്വദേശികളായ രണ്ട് യാത്രക്കാരിൽനിന്നാണ് 3.216 കിലോ സ്വർണമിശ്രിതം പിടികൂടിയത്. ഇതിൽ ഒരുയാത്രക്കാരൻെറ പക്കൽ 997 ഗ്രാം സ്വർണമിശ്രിതമാണ് ഉണ്ടായിരുന്നത്. ഇയാൾ മലദ്വാരത്തിലാണ് സ്വർണമിശ്രിതം ഒളിപ്പിച്ചിരുന്നത്. മറ്റൊരു യാത്രക്കാരൻ അടിവസ്ത്രത്തിനുള്ളിൽ പ്രത്യേകം അറയുണ്ടാക്കി അതിനുള്ളിലാണ് സ്വർണമിശ്രിതം ഒളിപ്പിച്ചിരുന്നത്. ഇയാളുടെ പക്കൽനിന്ന് 2216 ഗ്രാം സ്വർണമിശ്രിതമാണ് പിടികൂടിയത്. കൊച്ചി വിമാനത്താവളത്തിലെ കസ്റ്റംസ് എയർ ഇൻറലിജൻസ് വിഭാഗമാണ് രണ്ടുപേരെയും പിടികൂടിയത്.