അധികാരിമൂലയില്‍ മഞ്ഞപ്പിത്തം ജനങ്ങള്‍ ഭീതിയില്‍

പള്ളിക്കര: കുന്നത്തുനാട് പഞ്ചായത്തിലെ പെരിങ്ങാല അധികാരിമൂലയില്‍ മഞ്ഞപ്പിത്തം ജനങ്ങളെ ഭീതിയിലാഴ്ത്തി. കഴിഞ് ഞ ദിവസം എലിപ്പനിയെ തുടര്‍ന്ന് ഒരാള്‍ മരിക്കുകയും മറ്റുചിലരില്‍ മഞ്ഞപ്പിത്തം കണ്ടെത്തുകയും ചെയ്തതോടെയാണ് പ്രദേശത്ത് ഭീതി പരന്നത്. വെള്ളത്തിലൂടെയാണ് രോഗം പടര്‍ന്നത് എന്നാണ് ആരോഗ്യ വകുപ്പിൻെറ നിഗമനം. പരിസരത്തെ ഒരുകിണറ്റില്‍ നിന്നാണ് സമീപത്തെ അഞ്ചുവീട്ടുകാര്‍ വെള്ളം കുടിച്ചിരുന്നത്. ഈ കിണറ്റില്‍ നിന്നാണ് രോഗം പടര്‍ന്നത് എന്നാണ് നിഗമനം. ഇതിനകം 10 പേരില്‍ രോഗം കണ്ടെത്തിയിട്ടുണ്ട്. എന്നാല്‍, ശനിയാഴ്ച 67 പേരുടെ രക്തം പരിശോധിെച്ചങ്കിലും ഒരാളില്‍ മാത്രമാണ് നേരിയ തോതില്‍ രോഗലക്ഷണമുള്ളത്. ഇേതതുടര്‍ന്ന് മെഡിക്കല്‍ ഡെപ്യൂട്ടി ഓഫിസര്‍ ഡോ. ശ്രീദേവി, ഗോപാലന്‍, കുമാരപുരം മെഡിക്കല്‍ ഓഫിസര്‍ ഡോ. സുനിത, വടവുകോട് സി.എച്ച്.സിയിലെ ഡോ. വിനോദ് പൗലോസ് എന്നിവര്‍ പ്രദേശം സന്ദര്‍ശിച്ച് ജനങ്ങളെ ബോധവത്കരിച്ചു. വരും ദിവസങ്ങളില്‍ കൂടുതല്‍ മുന്‍കരുതലുകള്‍ എടുക്കുമെന്നും ആരോഗ്യവകുപ്പ് അറിയിച്ചു.