കുന്നത്തുനാട് സര്‍വിസ് സഹകരണ ബാങ്ക്: നിസാര്‍ ഇബ്രാഹീം പ്രസിഡൻറ്​

പള്ളിക്കര: കുന്നത്തുനാട് സര്‍വിസ് സഹകരണ ബാങ്ക് പ്രസിഡൻറായി നിസാര്‍ ഇബ്രാഹീമിനെയും വൈസ് പ്രസിഡൻറായി ഡോളി ഏലി യാസിനെയും തെരഞ്ഞടുത്തു. ഞായറാഴ്ച നടന്ന തെരഞ്ഞടുപ്പില്‍ എല്‍.ഡി.എഫ് നേതൃത്വം നല്‍കുന്ന സഹകാരി മുന്നണി സ്ഥാനാർഥികള്‍ വിജയിച്ചിരുന്നു. ഇതേതുടര്‍ന്നാണ് നിസാര്‍ ഇബ്രാഹീമിനെ പ്രസിഡൻറായി തെരഞ്ഞെടുത്തത്. സ്വീകരണയോഗം സി.പി.എം ജില്ല കമ്മിറ്റി അംഗം ദേവദര്‍ശന്‍ ഉദ്ഘാടനം ചെയ്തു. പട്ടിമറ്റം ലോക്കല്‍ കമ്മിറ്റി അംഗം സി.പി. ഗോപാലകൃഷണന്‍ അധ്യക്ഷത വഹിച്ചു. വര്‍ഗീസ്, കെ.കെ. ഏലിയാസ്, എന്‍.എം അബ്ദുല്‍കരീം, എന്‍.എസ്. സജീവന്‍, ടി. തോമസ്, കെ.എം. ഹുസൈന്‍, പി.കെ. അയ്യപ്പന്‍, നിസാര്‍ ഇബ്രാഹീം എന്നിവര്‍ സംസാരിച്ചു