പുനർനിർമിച്ച നേർച്ചപ്പാറ നൂറുൽഇസ്​ലാം മസ്ജിദ്​ ഉദ്ഘാടനം

എരുമേലി: പുനർനിർമിച്ച നേർച്ചപ്പാറ നൂറുൽഇസ്ലാം മസ്ജിദിൻെറ ഉദ്ഘാടനം എരുമേലി മഹല്ല് മുസ്ലിം ജമാഅത്ത് പ്രസിഡൻറ് അഡ്വ. പി.എച്ച്. ഷാജഹാൻ നിർവഹിച്ചു. ശാഖ പ്രസിഡൻറ് ഷാജഹാൻ ചെമ്മരപ്പള്ളി അധ്യക്ഷത വഹിച്ചു. യോഗത്തിൽ നൈനാർ ജുമാമസ്ജിദ് ചീഫ് ഇമാം ടി.എസ്. അബ്ദുൽകരീം മൗലവി അനുഗ്രഹപ്രഭാഷണം നടത്തി. സെക്രട്ടറി നൈസാം പി. അഷ്റഫ്, ട്രഷറർ നാസർ പനച്ചി, വൈസ് പ്രസിഡൻറ് നൗഷാദ് കുറുങ്കാട്ടിൽ, സലീം കണ്ണങ്കര, നേർച്ചപ്പാറ ശാഖ ഇമാം നൗഷാദ് അൽഖാസിമി, അസി. ഇമാം അബ്ദുൽ അസീസ് മൗലവി എന്നിവർ സംസാരിച്ചു. നൈനാർ മസ്ജിദ് ഇമാം ഹാമിദ് ഖാൻ മൗലവിയുടെ ദീനീവിജ്ഞാന സദസ്സും നടന്നു.