റിസർവേഷൻ ടിക്കറ്റ് മറിച്ചുവിൽപന; ഒരാൾ പിടിയിൽ

കൊച്ചി: ഐ.ആർ.സി.ടി.സിയുടെ സൈറ്റിൽ വ്യാജ അക്കൗണ്ടിലൂടെ റിസർവേഷൻ ടിക്കറ്റുകൾ ഡൗൺലോഡ്‌ ചെയ്‌ത്‌ ഉയർന്ന വിലയ്ക്ക് വിറ്റയാൾ അറസ്‌റ്റിൽ. എറണാകുളം നോർത്തിലെ ക്വാളിറ്റി ഏജൻസി ജനസാധാരൺ ടിക്കറ്റ് കൗണ്ടർ എന്ന സ്ഥാപന ഉടമ കളമശ്ശേരി പുന്നക്കാട്ട്മൂല ശ്രേയസ്സ് വീട്ടിൽ സുരേഷാണ് (47) ആർ.പി.എഫിൻെറ പിടിയിലായത്‌. 100 മുതൽ 200 രൂപ വരെ അധിക വിലയ്‌ക്കാണ്‌ ഇയാൾ ടിക്കറ്റ്‌ വിറ്റിരുന്നത്‌. സുരേഷിൻെറ സ്ഥാപനത്തിൽ നിന്ന് ഒന്നേകാൽ ലക്ഷം രൂപയുടെ ടിക്കറ്റുകൾ കണ്ടെടുത്തു. സ്ഥാപനം അടച്ചുപൂട്ടിയതായി ആർ.പി.എഫ്‌ അറിയിച്ചു. എറണാകുളം നോർത്ത് ആർ.പി.എഫ്‌ ഇൻസ്‌പെക്ടർ എം.എ ഗണേശൻ, എസ്.ഐ ജോസ്, എ.എസ്.ഐ ഷാജി എന്നിവരാണ് പ്രതിയെ അറസ്റ്റ് ചെയ്തത്.