മനുഷ്യക്കടത്തിനെതിരെ 'വാക് ഫോര്‍ ഫ്രീഡം'

കൊച്ചി: മനുഷ്യക്കടത്തിനെക്കുറിച്ച് അവബോധം സൃഷ്ടിക്കുകയെന്ന ലക്ഷ്യത്തോടെ ദ മൂവ്‌മൻെറ് ഇന്ത്യയുടെ നേതൃത്വത് തില്‍ 19ന് 'വാക് ഫോര്‍ ഫ്രീഡം' ഒറ്റവരി നടത്തം സംഘടിപ്പിക്കുമെന്ന് ഭാരവാഹികള്‍ വാര്‍ത്തസമ്മേളനത്തില്‍ പറഞ്ഞു. രാവിലെ 6.30ന് രാജേന്ദ്ര മൈതാനിയില്‍നിന്ന് ആരംഭിക്കുന്ന നടത്തം ജില്ല കലക്ടര്‍ എസ്. സുഹാസ് ഫ്ലാഗ് ഓഫ് ചെയ്യും. ഒരു മണിക്കൂര്‍ നീളുന്ന നടത്തം പാര്‍ക്ക് അവന്യൂവഴി ഷണ്മുഖം റോഡിലൂടെ രാജേന്ദ്ര മൈതാനിയില്‍ സമാപിക്കും. ഇന്ത്യയില്‍ കൊച്ചിയടക്കം 10 നഗരങ്ങളില്‍ ഇതേസമയം 'വാക് ഫോര്‍ ഫ്രീഡം' നടക്കും. ഷൈന്‍ വര്‍ഗീസ്, അഖില്‍ സോമന്‍, നെഹമായ ഡാമിയന്‍, ചിത്ര മനോജ് എന്നിവര്‍ വാര്‍ത്തസമ്മേളനത്തില്‍ പങ്കെടുത്തു.