ഗവർണറെ കണ്ട് ചായ കുടിക്കൽ ചെന്നിത്തലയുടെ ഹോബി -കോടിയേരി

അരൂർ: മന്ത്രിമാർക്കെതിരെ ദിവസവും ഗവർണറെ കാണുകയെന്നത് മാത്രമാണ് പ്രതിപക്ഷ നേതാവ് രമേശ് ചെന്നിത്തലയുടെ പണിയെന ്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ. എം.ജി സർവകലാശാല അദാലത് വിവാദത്തിൽ ചെന്നിത്തല ഗവർണർക്ക് പരാതി നൽകുന്നു എന്നതിനോട് പ്രതികരിക്കുകയായിരുന്നു അദ്ദേഹം. ആഴ്ചയിലൊരിക്കൽ ഗവർണർക്ക് നിവേദനം നൽകിയശേഷം ചായ കുടിക്കുന്നത് ചെന്നിത്തലയുടെ ഹോബിയാണ്. ജലീലിനെതിരെ തെളിവുണ്ടെങ്കിൽ നീതിന്യായ സംവിധാനങ്ങളിലാണ് പരാതി നൽകേണ്ടത്. കോളജ് തെരഞ്ഞെടുപ്പ് രീതിയിൽ നിയമസഭ തെരഞ്ഞെടുപ്പിനെ കൈകാര്യം ചെയ്യാൻ െചന്നിത്തല ശ്രമിക്കരുത്. അതാണ് പാലായിലെ യു.ഡി.എഫ് പരാജയത്തിന് കാരണമെന്നും േകാടിയേരി പറഞ്ഞു.