സത്യാന്വേഷണവഴിയിൽ മുന്നേറാൻ രാമമംഗലം ഹൈസ്കൂളും

പിറവം: ഗാന്ധി ജയന്തിയോടനുബന്ധിച്ച് രാമമംഗലം ഹൈസ്കൂളിലെ എല്ലാ വിദ്യാർഥികൾക്കും അധ്യാപകർക്കും ഗാന്ധിയനും പൂർവവിദ്യാർഥിയുമായ വി.പി.ജി. മാരാർ മഹാത്മാ ഗാന്ധിയുടെ 'ആത്മകഥ അഥവാ എൻെറ സത്യാന്വേഷണ പരീക്ഷണകഥ' സമ്മാനിച്ചു. ചടങ്ങ് പിറവം എം.എൽ.എ അനൂപ് ജേക്കബ് ഉദ്ഘാടനം ചെയ്തു. പി.ടി.എ പ്രസിഡൻറ് ടി.എം. തോമസ് അധ്യക്ഷത വഹിച്ചു. ഹെഡ്മാസ്റ്റർ മണി പി. കൃഷ്ണൻ ഗാന്ധി ജയന്തി സന്ദേശം നൽകി. ഹരീഷ് ആർ. നമ്പൂതിരിപ്പാട്, അധ്യാപകരായ എം.വി. പ്രിയ, ഷൈജി കെ. ജേക്കബ്, അനൂപ് ജോൺ എന്നിവർ സംസാരിച്ചു.