റെയിൽവേ ലൈനിന് താ​െഴ മണ്ണിടിഞ്ഞു

അങ്കമാലി: അങ്കമാലി റെയിൽവേ സ്റ്റേഷന് സമീപം എഫ്.സി.ഐ ഗോഡൗണിലേക്കു ചരക്ക് കൊണ്ടുപോകുന്നതിനായി സ്ഥാപിച്ചിട്ടുള ്ള റെയിൽവേ ലൈനിന് താഴത്തെ മണ്ണിടിഞ്ഞു. അഞ്ച് അടിയിലേറെ ആഴത്തിലുള്ള കുഴിയാണ് രൂപപ്പെട്ടിരിക്കുന്നത്. റെയിൽവേ ഗേറ്റിൽനിന്ന് 200 മീറ്റർ മാറിയാണ് ട്രാക്കിനടിയിലെ മണ്ണിടിഞ്ഞത്. ഈ ലൈനിന് സമീപത്തുകൂടി ഒഴുകിയാണ് പെയ്ത്തുവെള്ളം തോട്ടിലേക്കുചേരുന്നത്. കുഴിയുണ്ടായ ഭാഗത്തുനിന്ന് 300 മീറ്റർ ദൂരത്തിലാണ് ചെമ്പൻപാടവും മാഞ്ഞാലിതോടും കടന്നുപോകുന്നത്. മറ്റു ട്രാക്കുകളിൽ ഗതാഗത തടസ്സം നേരിട്ടാൽ ട്രെയിനുകൾ തിരിച്ചുവിടുന്നതിനും മറ്റുമായി ഈ ലൈൻ ഉപയോഗിക്കാറുണ്ട്. കുഴി മെറ്റലിട്ട് നികത്തി.