ദുരിതാശ്വാസ നിധിയിലേക്ക് സംഭാവനയുമായി ഓ​ട്ടോ തൊഴിലാളികൾ

മൂവാറ്റുപുഴ: പെരുമറ്റം ഓട്ടോറിക്ഷ തൊഴിലാളി യൂനിയൻെറ നേതൃത്വത്തിൽ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകി. 25,000 രൂപയുടെ ചെക്ക് എൽദോ എബ്രഹാം എം.എൽ.എക്ക് കൈമാറി. യൂനിയൻ പ്രസിഡൻറ് പി.എം. ബഷീർ, സെക്രട്ടറി പി.എം. പരീത്, ട്രഷറർ വി.വി. നിഷാദ്, ഭാരവാഹികളായ വി.എസ്. അഹമ്മദ്, കെ.പി. അനസ്, ഒ.എം. ജമാൽ, ടി.എം. ഷൈഫൽ, കെ.കെ. ഷാജി എന്നിവരുടെ നേതൃത്വത്തിലാണ് തുക സമാഹരിച്ചത്. ജീവകാരുണ്യരംഗത്ത് നിറസാന്നിധ്യമായ യൂനിയൻ വൃക്ക, കരൾ മാറ്റിവെക്കൽ ശസ്ത്രക്രിയക്കടക്കം 10 ലക്ഷം രൂപയോളം ചെലവഴിച്ചിട്ടുണ്ടെന്ന് ഭാരവാഹികൾ പറഞ്ഞു. ഒരു തൊഴിലാളിയിൽനിന്ന് ദിനേന 10 രൂപ വീതം സ്വരൂപിച്ചാണ് പ്രവർത്തനങ്ങൾ.