കാറ്റിൽ വിറച്ച്് നഗരം

കൊച്ചി : ചൊവ്വാഴ്ച രാത്രിയോടെ ഉണ്ടായ ശക്തമായ കാറ്റിലും മഴയിലും വിറച്ച്് നഗരം. രാത്രി 12 മണിയോടെ ഉണ്ടായ ശക്തമായ കാറ്റ് നഗരത്തെ പരിഭ്രാന്തിയിലാക്കി. തേവര, കാക്കനാട്, പാലാരിവട്ടം, കടവന്ത്ര പോലീസ് സ്‌റ്റേഷന്‍, മുളന്തുരുത്തി എന്നിവിടങ്ങളില്‍ മരങ്ങള്‍ കടപുഴകി. കാറ്റിനൊപ്പം മഴയും കനത്തതോടെ നഗരത്തിലെ വൈദ്യുതി വിതരണവും തടസ്സപ്പെട്ടു. ഇടിമിന്നലുമുണ്ടായി. കാറ്റില്‍ നഗരത്തിലെ ഉയര്‍ന്ന കെട്ടിടങ്ങളുടെ ചില്ലുകള്‍ പൊട്ടി. പലയിടങ്ങളിലും കെട്ടിടങ്ങളുടെ മേല്‍ക്കൂരകള്‍ തകര്‍ന്നു. രാത്രി 10.30- ഓടെ നഗരത്തില്‍ മഴ ശക്തി പ്രാപിച്ചിരുന്നു. ഇതോടെ നഗരത്തിലെ പ്രധാന റോഡുകളെല്ലാം തന്നെ വെള്ളത്തിലായി. കെ.എസ്.ആര്‍.ടി.സി സ്റ്റാന്‍ഡ്, സൗത്ത്, എം.ജി റോഡ്, ഷേണായിസ് ജംഗ്ഷന്‍ എന്നിവിടങ്ങളെല്ലാം വെള്ളത്തിലാണ്. ഹൈക്കോടതി, മേനക ജംഗ്ഷനുകളില്‍ റോഡിന് ഇരുവശത്തും വെള്ളക്കെട്ട് രൂപപ്പെട്ടിട്ടുണ്ട്. നഗരത്തിലെ ഇടറോഡുകളെല്ലാം വെള്ളത്തിലായി.