ദേശരക്ഷാവലയം: സ്വാഗതസംഘം ഓഫിസ് ഉദ്ഘാടനം

കൊച്ചി: എസ്.വൈ.എസ് ഈ മാസം 15ന് തോപ്പുംപടിയിൽ നടത്തുന്ന ദേശരക്ഷാവലയം പരിപാടിയുടെ സ്വാഗതസംഘം ഓഫിസ് ഉദ്ഘാടനം പള്ളുരുത്തി കച്ചേരിപ്പടി യൂത്ത് സ്ക്വയറിൽ മുൻ മന്ത്രി കെ. ബാബു നിർവഹിച്ചു. ജനറൽ കൺവീനർ പി.എ. റഫീഖ് നൈന അധ്യക്ഷത വഹിച്ചു. ജില്ല സെക്രട്ടറി മീരാൻ സഖാഫി സ്വാഗതം പറഞ്ഞു. എം.എ. അബ്ദുറഹ്മാൻ സഖാഫി, പി.എ. ഇബ്രാഹിം, സജീർ കരിമക്കാട്, നൂർ മുഹമ്മദ്, ഷംസുദ്ദീൻ കൊടികുത്തുമല, മൻസൂർ മിസ്ബാഹി എന്നിവർ സംസാരിച്ചു. ജില്ല അധ്യക്ഷൻ മുഖൈബലി ശിഹാബ് തങ്ങൾ, സെക്രട്ടറി ഇസ്മായിൽ സഖാഫി എന്നിവർ പ്രവർത്തനരേഖ വിശദീകരിച്ചു. വി.കെ. ജലാൽ നന്ദി പറഞ്ഞു.