പരിസ്ഥിതി ബോധവത്​കരണം

മട്ടാഞ്ചേരി: കോഴിക്കോട് ആസ്ഥാനമായി പ്രവർത്തിക്കുന്ന പാരിസ്ഥിതിക സംഘടനയായ റൈസ്അപ് ഫോറത്തിൻെറ നേതൃത്വത്തിൽ 'കാൾ ഫോർ ക്ലയ്മറ്റ് ആക്ഷൻ' എന്ന പേരിൽ ഫോർട്ട്കൊച്ചി കമാലക്കടവിൽ പരിസ്ഥിതി ബോധവത്കരണ പരിപാടി സംഘടിപ്പിച്ചു. കാലാവസ്ഥ വ്യതിയാനം ലോകത്തെ ദോഷകരമായി ബാധിക്കുമെന്ന് പ്രഖ്യാപിച്ച് 15 വയസ്സുകാരിയായ സ്വീഡൻ വിദ്യാർഥിനി ഗ്രെറ്റ തങ്‌ബെർഗ് നടത്തിവരുന്ന സമരത്തിന് ഐക്യദാർഡ്യം പ്രഖ്യാപിച്ചായിരുന്നു പരിപാടി. ചെയർമാൻ പി.കെ. ജിൻസിൽ, സെക്രട്ടറി ഋഷികേശ്, വൈസ് ചെയർമാൻ അയന ഭാസ്കർ, കൺവീനർ ജിജോ വത്സൻ എന്നിവർ നേതൃത്വം നൽകി. അണ്ടർവാല്യുവേഷൻ അദാലത്ത് കൊച്ചി: തൃപ്പൂണിത്തുറ സബ് രജിസ്ട്രാർ ഓഫിസിൽ അണ്ടർവാല്യൂവേഷൻ കേസുകളിൽ ഉൾപ്പെട്ട ആധാരങ്ങളുടെ കുറവ് മുദ്രത്തുക ഈടാക്കുന്നതിന് ഈ മാസം 21ന് രാവിലെ ഒമ്പത് മുതൽ അദാലത്ത് നടത്തും. 2017 മാർച്ച് 31 വരെയുള്ള ആധാരങ്ങളുടെ കുറവ് മുദ്രത്തുകയുടെ 30 ശതമാനം അടച്ച് റവന്യൂ റിക്കവറി നടപടികളിൽനിന്ന് ഒഴിവാകാമെന്ന് സബ് രജിസ്ട്രാർ അറിയിച്ചു.