വഴിയോരക്കച്ചവട നിയമം പഞ്ചായത്തുകളിൽ നടപ്പാക്കണം

ആലുവ: വഴിയോരക്കച്ചവട സംരക്ഷണ നിയന്ത്രണ നിയമം പാസാക്കിയെങ്കിലും നഗരസഭകൾ നിയമം നടപ്പാക്കാൻ അലംഭാവം കാണിക്കുന ്നതായി എഫ്.ഐ.ടി.യു ജില്ല പ്രസിഡൻറ് മുസ്തഫ പള്ളുരുത്തി. നഗരസഭകൾ ഭരിച്ചുകൊണ്ടിരിക്കുന്ന ഇടതു-വലതു ഭരണ സമിതികൾ വഴിയോര കച്ചവടക്കാരെ രണ്ടാംതരം പൗരന്മാരായി കാണുകയാണ്. ഈ മേഖലയിൽ ഉപജീവനം നടത്തുന്ന വലിയ വിഭാഗം ആളുകൾ ഗ്രാമപഞ്ചായത്ത് പരിധികളിൽ കച്ചവടം ചെയ്യുന്നവരാണ്. അതിനാൽതന്നെ ഗ്രാമപഞ്ചായത്തുകളിൽകൂടി നിയമം നടപ്പാക്കണമെന്നാവശ്യപ്പെട്ട് ശക്തമായ സമരപരിപാടികളുമായി എഫ്.ഐ.ടി.യു മുന്നോട്ടുപോകും. ഇതിൻെറ ഭാഗമായി സെക്രേട്ടറിയറ്റ് മാർച്ചും കലക്ടറേറ്റ് പടിക്കൽ നിരാഹാരസമരവും സംഘടിപ്പിക്കുമെന്ന് ആദ്ദേഹം അറിയിച്ചു.