ലൈറ്റ്​ ആൻഡ്​​ സൗണ്ട് വെൽഫെയർ അസോസിയേഷൻ ജില്ല സമ്മേളനം

പറവൂർ: ലൈറ്റ് ആൻഡ് സൗണ്ട് വെൽഫെയർ അസോസിയേഷൻ ഓഫ് കേരള നാലാമത് ജില്ല വാർഷിക സമ്മേളനവും പഠന ക്യാമ്പും ജൂലൈ 29, 30, 31 തീ യതികളിൽ പറവൂർ മുനിസിപ്പൽ ടൗൺ ഹാളിൽ നടക്കും. പ്രളയത്തിൽ വീട് നഷ്ടപ്പെട്ട പൂയപ്പിള്ളിയിലെ നന്ദന സൗണ്ട്‌സ് ഉടമ ഉത്തമന് അസോസിയേഷൻ നിർമിച്ച വീടിൻെറ താക്കോൽദാനം ആദ്യദിവസം നടക്കുന്ന കുടുംബ സംഗമത്തിൽ നടക്കുമെന്ന് ജില്ല പ്രസിഡൻറ് കെ.എ. വേണുഗോപാലും, സെക്രട്ടറി ജോയി പരിയാടനും വാർത്ത സമ്മേളനത്തിൽ പറഞ്ഞു. മൂന്നാം ദിവസം പ്രതിനിധി സമ്മേളനം സംസ്ഥാന ജനറൽ സെക്രട്ടറി പി.എച്ച്. ഇക്ബാൽ ഉദ്ഘാടനം ചെയ്യും. ജില്ല പ്രസിഡൻറ് ജോയി പരിയാടൻ റിപ്പോർട്ട് അവതരിപ്പിക്കും. അസോസിയേഷൻ ഭാരവാഹികളായ എ.കെ. ശശികുമാർ, കെ.കെ. സത്താർ, പി.സി. ജയൻ, പി.കെ. നസീർ, പി.വി. ഷാജി എന്നിവരും വാർത്തസമ്മേളനത്തിൽ പങ്കെടുത്തു.